Мунньахха Иркутскай уонна Саха сирин парламеннарын дьокутааттара, бырабыыталыстыбаларын салайааччылара, Саха сириттэн РФ Госдуматын дьокутаата Галина Данчикова, биллэр-көстөр экологтар, учуонайдар, уопсастыбанньыктар кыттыыны ыллылар. Бары билэрбит курдук, Өлүөнэ эбэбит Иркутскай уобалас сириттэн-уотуттан  тардыыланан саҕаланарынан сибээстээн,  икки эрэгийиэн бу экологическай дьоһуннаах мунньаҕы тэрийбитэ бары өттүнэн саамай сөптөөх. Мунньахха  кыттыбыттар  Өлүөнэ өрүс тардыытынан тимирэн сытар суудуналары  ороон таһааран ыраастыырга,  өрүс биэрэктэринэн быраҕыллан турар хаһаайыстыбаннай хабаанннаах эбийиэктэри суох оҥорорго, уутун дириҥэтиигэ туох үлэни ыытар туһунан сөбүлэстилэр. Кыттааччылар маннык хабааннаах киэҥ кэпсэтии ыытыллыбытын бары сэргииллэрин эттилэр. Мунньахха ханнык-туох этиилэр киирбиттэрин туһунан «Ил Түмэн» хаһыат кэлэр нүөмэригэр сиһилии билсиэххит.