Мурашко этэринэн, бүгүн вакцинаны оҥорууга үлэ 5 научнай хайысханан ыытыллар. «Итиннэ тестээһин бүгүн бара турар, онон биһиги чугастааҕы икки нэдиэлэҕэ клиникаҕа бэрэбиэркэлээһиҥҥэ киириэхпит», — диэтэ миниистир.
Кини ыарыыны сэрэтиигэ туһаныллар препараттар дьайыылара нэһилиэнньэҕэ куттала суох буолуохтааҕын бэлиэтээтэ.
Бу иннинэ доруобуйа харыстабылын миниистирэ коронавирустан вакцинаны оҥоруу бастакы түмүктэрэ уонна кинини Россияҕа киэҥник туһаныыга көҥүллээһин от ыйын бүтүүтэ баар буолуохтарын эппитэ.
Ыам ыйын 30 к. дааннайынан, Россияҕа коронавируска сутуллуу 8 952 саҥа түгэнэ бэлиэтэммитэ. Дойдуга барыта бу ыарыыга 396 575 хаптарбыт. Маныаха ааспыт күннээҕи туругунан балыыһалартан 8 212 киһи тахсыбыт. Үтүөрбүт дьон ахсаана 167 469 киһиэхэ тиийбит. Итини тэҥэ 181 коронавирустан өлүү бэлиэтэннэ. Барыта пандемия кэмигэр 4 555 киһи олоҕо быстыбыт.
- 0
- 0
- 0
- 0
- 0
- 0