«Мин бэйэм эрдэ Нам улууһугар чааһынай клиникаҕа үлэлээбитим. Онтон «Земскэй доктор» бырагырааманан эдэр эрэ дьон буолбакка, сааһыра да барбыт специалистар хапсар буолбуттарын истэн, Эдьигээн оройуонун талан үлэлии кэлбитим. Бэйэм балачча кэннибэр баай уопуттаах, элбэх сыл тиис бырааһынан үлэлээбит киһи быһыытынан хоту сиргэ коллективка холкутук киирэн үлэлии сылдьабын.

Кэлээппин кытта олорор дьиэ биэрбиттэрэ, онон үлэлиир да, олорор да усулуобуйа баар. Бэйэм оҕолорум улаатаннар, ыал буолан, сиэн бэлэхтээн, бэйэлэрин-бэйэлэрэ дьаһанан олороллор. Ол да иһин тардыстарым суох буолан дуогабарынан хоту улууска кэллэҕим. Өссө биир биричиинэм диэн Эдьигээн кэрэ айылҕалааҕынан, булт-алт, балык өттүнэн баайынан биллэр, онон мин бу эйгэни сэҥээрэр киһи быһыытынан бу оройуону талбытым», – диэн кэпсиир Василий Михайлович.