Дьокуускай куорат 2№-дээх балыыһатын үлэһиттэрэ Спортивнай мэдэссиинэ уонна эмтиир физкультура өрөспүүбүлүкэтээҕи киинигэр коронавирус дьаҥынан ыалдьыбыт дьону реабилитациялыырга стажировка ааспыттар. Билигин Гагаринскай уокурук, Марха микрорайон, Маган бөһүөлэктэрин дьоно терапевт быраас сүбэтинэн доруобуйаны чөлүгэр түһэрии куурсун ааһыахтарын сөп. Билиҥҥитэ поликлиникаҕа уонна дьиэлэригэр реабилитацияны 14 киһи ааһар. 10 киһи массааска сылдьар, 12 киһи поликлиникаҕа кэлэн эмтиир физкультуранан дьарыктаналлар.
“Реабилтациялыыр бырагыраамабыт коронавирус ыарыыттан үтүөрэн балыыһаттан тахсыбыт уонна дьиэлэригэр эмтэммит дьоҥҥо аналлаах. Дьон поликлиникаҕа бэйэтэ кэлэр. Реабилитациялыыр бырагыраамаҕа тыынан уорганы чөлүгэр түһэрэр эрчиллиилэр киирэллэр. Араас эрчиллиилэр бааллар. Бу эрчиллиилэри кэлин да дьиэлэригэр оҥоруохтарын сөп. Кылаабынайа, бастаан сөпкө оҥороллорун ситиһиэхпитин наада”, -- диэн балыыһа кылаабынай бырааһа Саргылана Васильева этэр.
Коронавирус ыарыынан ыалдьыбыт дьон реабилитацияны ааһаллар булгуччулаах.
- 0
- 0
- 0
- 0
- 0
- 0