Саха Өрөспүүбүлүкэтин доруобуйаҕа харыстабылын министиэристибэтэ ити сураҕы олоҕо суоҕунан, сымыйанан ааҕар.
“Билигин социальнай ситимнэринэн коронавируһу утары быһыы доруобуйаҕа буортулааҕын туһунан элбэх сымыйа уонна бэрэбиэркэлэммэтэх сурах-садьык тарҕана турар. Онон олохтоохтору официальнай иһитиннэриилэргэ эрэ итэҕэйэллэригэр көрдөһөбүт”, – диэн доруобуйа харыстабылын министиэристибэтэ ыҥырар.
Санатан эттэххэ, федеральнай сокуонунан “фейк” эбэтэр сымыйа сураҕы тарҕатааччылар холуобунай эппиэккэ тардыллаллар.
Тохсунньу 15 күнүнээҕи туругунан, өрөспүүбүлүкэҕэ коронавируһу утары быһыыны 1,8 тыһ. киһи ылбыт. Ол иһиттэн 440 киһи икки төгүллээн быһыыламмыт. Билиҥҥитэ өрөспүүбүлүкэҕэ быһыыны ылан баран ыарахан турукка киирии эбэтэр өлүү түгэнэ бэлиэтэнэ илик.
СӨ Доруобуйаҕа харыстабылын министиэристибэтин пресс-сулууспатын матырыйаалынан.
- 0
- 0
- 0
- 0
- 0
- 0