Ол туһунан улуус баһылыга Олег Иринеев иһитиннэрбит. “Биһиги улууспутугар доруобуйа харыстабылын тэрилтэлэрин материальнай-техническай базаларын саҥардыыга улахан болҕомто ууруллар. Ааспыт сылга бу хайысханан улахан үлэ ыытылынна. Сиинэҕэ амбулатория тутулунна, Кыһыл Үрүйэ сэлиэнньэтигэр бу күннэргэ ФАП тутуллан үлэҕэ киириэҕэ. Өрөспүүбүлүкэ доруобуйаҕа харыстабылын көмөтүнэр бу эмп тэрилтэлэрэ наадалаах оборудованиеларынан хааччылыннылар.  Эмиэ министиэристибэ көмөтүнэн Нөмүгүтээҕи амбулатория дьиэтэ өрөмүөннэннэ. Маны таһынан СӨ тыа хаһаайыстыбатын үлэтинэн Көрдөм сэлиэнньэтигэр уопсай ыарыыларга быраас дьону көрөр кабинета тутуллар”, -- диэн баһылык кэпсээбит.