Улуустарынан этэр буоллахха, Мииринэйгэ, Нерюнгригэ 4-түү, Алдаҥҥа, Ленскэйгэ 3-түү, Уус Алдаҥҥа икки, Аммаҕа, Бүлүүгэ, Мэҥэ Хаҥаласка, Намҥа, Аллараа Халымаҕа, Өймөкөөҥҥө, Орто Халымаҕа, Томпоҕо, Уус Маайаҕа уонна Чурапчыга биирдии киһи дьаҥҥа хаптарбыттар. Дьокуускайга икки ый анараа өттүгэр 100-түү киһи ыалдьар буоллаҕына, ааспыт сууккаҕа 24 киһи хамсыкка сутуллубут. Ааспыт сууккаҕа Саха сирин бары лабыратыарыйаларыгар 1966 анал тест бэрэбиэркэтэ ыытыллыбыт уонна, бүгүҥҥү туругунан, өрөспүүбүлүкэҕэ вакцина 49172 дозатын эбии аҕалбыттар. Вакциналааһын хас биирдии улууска тохтоло суох бара турар. Төһө даҕаны дьаҥынан ыалдьыы сыыппарата түспүтүнэн сибээстээн, ыһыктынан кэбиһэр наадата суох. Этэргэ дылы, «Таҥара сэрэҕи таптыыр».
- 0
- 0
- 0
- 0
- 0
- 0