Издательский дом Редакция Подписка
Погода в Якутске: . 26 oC
КУРС ЦБ: $ 72,86 | 88,65

Бүгүн «Сахамедиа» өрөспүүбүлүкэтээҕи медиа-кииҥҥэ РФ Төрүт сокуонугар көннөрүүлэри киллэрии уонна Саха Өрөспүүбүлүкэтигэр Доруобуйа сылыгар былааннаммыт тэрээһиннэри олоххо киллэрии боппуруостарынан "Аһаҕас парламент" дьүүллэһии былаһааккатыгар кэпсэтии буолла.

Бүгүн «Сахамедиа» өрөспүүбүлүкэтээҕи медиа-кииҥҥэ РФ Төрүт сокуонугар көннөрүүлэри киллэрии уонна Саха Өрөспүүбүлүкэтигэр Доруобуйа сылыгар былааннаммыт тэрээһиннэри олоххо киллэрии боппуруостарынан "Аһаҕас парламент" дьүүллэһии былаһааккатыгар кэпсэтии буолла.

Дьүүллэһии былаһааккатыгар Ил Түмэн дьокутааттара, министиэристибэлэр, биэдэмэстибэлэр бэрэстэбиитэллэрэ, муниципальнай тэриллии баһылыктара, улуус киин балыыһаларын кылаабынай быраастара уонна уопсастыбынньыктар кытыннылар. Кэпсэтии сүрүн соругунан нэһилиэньэҕэ доруобуйа харыстабылын тиһигэр буолар сокуон өттүнэн уларыйыылар, туруоруллубут соруктар, эмтээһин өҥөтө тоҕоостоох буоларын ситиһиигэ хайысхаламмыт үлэлэр туһунан иһитиннэрии буолла. Ону сэргэ доруобуйа харыстабылын салаатыгар көдьүүстээх үлэлээх муниципальнай тэриллиилэр уопуттарын кэпсээтилэр.

Гоголев

«Аһаҕас парламент» дьүүллэһии былаһаакка үлэтин арыйарыгар, Ил Түмэн Бэрэссэдээтэлэ Петр Гоголев пандемия сатыылаабыт 2020 сылыгар өрөспүүбүлүкэ доруобуйаҕа харыстабылын тиһигэ мөлтөөн биэрбэтэҕин, мэдиссиинэ үлэһиттэрэ туох баар күүстэрин ууран туран, нэһилиэнньэ доруобуйатын туһугар кыһаллыбыттарын бэлиэтээтэ. Маныаха доруобуйа харыстабылын тиһигэр ханнык кыһалҕалар бааллара бэлиэтэммиттэрин, Ил Дархан Айсен Николаев Доруобуйа сылын биллэрэн, баар итэҕэстэри туоратыыга улахан үлэ барыаҕын туһунан эттэ.

Салгыы Ил Түмэн доруобуйа харыстабылыгар, социальнай көмүскэлгэ, үлэҕэ уонна дьарыктаах буолууга сис кэмитиэтин бэрэссэдээтэлэ Владимир Чичигинаров иһитиннэрии оҥордо. Кини РФ Төрүт сокуонугар киирбит уларыйыылар доруобуйа харыстабылын ситимигэр эмтэнии өҥөтө тоҕоостоох буолуохтааҕын мэктиэлиирин туһунан эттэ. Ону кытта 132 ыстатыйаҕа киирбит уларыйыы олохтоох бэйэни салайыныы уорганнара федеральнай сокуонунан мэдиссиинэ өҥөтө нэһилиэнньэҕэ тоҕоостоох буоларын хааччыйыахтаахтарын боломуочуйалыырын бэлиэтээтэ.

Норуот дьокутаата кэлиҥҥи кэмҥэ доруобуйа харыстабылын тиһигин сайыннарыы миэрэлэринэн өрөспүүбүлүкэҕэ улахан үлэ ыытыллыбытын билиһиннэрдэ. Ил Дархан Доруобуйа сылын биллэриитэ кэмигэр буолбутун, өрөспүүбүлүкэҕэ дьон-сэргэ чэгиэн олохтоох буоларын ситиһэргэ доруобуйа харыстабылын тиһигэр өссө уларыйыы киирэрэ наадалааҕын бэлиэтээтэ.

Кини Ил Түмэн Доруобуйа сылыгар ыытар тэрээһиннэрин билиһиннэрдэ. Ол курдук олунньу ыйга «Коронавирус ыарыынан ыалдьыбыт дьону реабилитациялааһын боппуруостара» диэн тиэмэҕэ төгүрүк остуол буолбут, муус устар ыйыгар Орто Халыма улууһугар парламентарийдар тиийэн, «Саха сирин Аартыкатын түөлбэтигэр киирэр улуустар доруобуйа харыстабылыгар салааларыгар баар кыһалҕаларын туһунан» диэн муниципальнай чаас ыытыахтара. Ил Түмэн күһүҥҥү уочараттаах пленарнай мунньаҕар «СӨ доруобуйаҕа харыстабылын салаатын сайыннарыы уонна “Доруобуйа харыстабыла” нацбырайыак олоххо киириитин көрүөхтэрэ.  

3

Дьүүллэһии былаһааккатыгар СӨ Доруобуйаҕа харыстабылын миниистирин солбуйааччы Алексей Яковлев, Өрөспүүбүлүкэтээҕи информационнай мэдиссиинискэй киин дириэктэрэ Аида Коростолева, ХИФУ мэдиссиинэ институтун дириэктэрэ Николай Гоголев, өрөспүүбүлүкэ доруобуйа харыстабылын салаатын үлэһиттэрин идэлээх сойуустарын бэрэссэдээтэлэ Людмила Корнилова, Чурапчы улууһун дьокутааттарын сэбиэтин бэрэссэдээтэлэ Афанасий Захаров, Таатта улууһун баһылыга Михаил Соров уонна да атыттар иһитиннэрии оҥордулар, кыһалҕалаах боппуруостары туруордулар, этиилэрин киллэрдилэр.

«Аһаҕас парламент» дьүүллэһии былаһааккаҕа буолбут кэпсэтии туһунан сиһилии матырыйаал «Ил Түмэн» хаһыат кэлэр нүөмэригэр тахсыаҕа.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ