Бүгүн, ол эбэтэр ыам ыйын 12 күнүгэр, Сиэстэрэлэр норуоттар икки ардыларынааҕы күннэрэ бэлиэтэнэр.
СӨ Доруобуйаҕа харыстабылын миниистирэ Елена Борисова: “Мэдиссиинэ салаатын саамай улахан быраһыан үлэһиттэрэ -- сиэстэрэлэр. Атын дьону аһынар үтүө санааҕытынан, сылаас сыһыаҥҥытынан, сөптөөх көрүүнэн-харайыынан эмтииргит хайҕаллаах уонна махталлаах. Улахан наҕараадаҕыт – ыарыһахтаргыт үтүөрэн, чэгиэн-чэбдик сылдьаллара”, -- диэн эҕэрдэлээтэ. Кини этэринэн, өрөспүүбүлүкэ үрдүнэн барыта 11 тыһыынча сиэстэрэ үлэлиир. Итинтэн элбэх киһитэ коронавирустаабыт ыарыһахтары эмтии сылдьар.
Бу ыарыыбыт бүгүҥҥү туругун билиһиннэрдэххэ, сууккаҕа эбии 105 киһи сутуллубут. Тааттаҕа балаһыанньа уустугун бэлиэтииллэр. Мэҥэ Хаҥаласка – 13, Чурапчыга – 7, Аммаҕа – 6, Намҥа – 4, Сунтаарга -3, Уус Алдаҥҥа, Горнайга, Нерюнгрига, --2-лии, Үөһээ Дьааҥыга, Кэбээйигэ, Өймөкөөҥҥө -- биирдии. Дьокуускайга – 60.
Суукка иһигэр лабораториялар 1846 анаалыһы оҥордулар. Вакцинация эрэ бу абааһы дьаҥыттан абырыыһык быһыылаах. Онон быһыыта ылыҥ диэн сүбэлиибит.
Куорат бары кылаастара, тохсустар уонна уон бииристэр эмиэ, итиэннэ ХИФУ, АГУТУ ыраахтан үөрэххэ көстүлэр. Түүҥҥү кулууптар үлэлэрэ тохтотулунна.
- 0
- 0
- 0
- 0
- 0
- 0