Издательский дом Редакция Подписка
Погода в Якутске: . 27 oC
КУРС ЦБ: $ 72,86 | 88,65

Дьокуускай куорат 3-с №-дээх балыыһата “Түүҥҥү вакцинация” диэн аахсыйа биллэрдэ. Бу аахсыйаҕа кыттааччылар Саха сирин эстрадатын тыйаатырыгар кэлэн коронавируһу утары быһыы ылаллар. 

Дьокуускай куорат 3-с №-дээх балыыһата “Түүҥҥү вакцинация” диэн аахсыйа биллэрдэ. Бу аахсыйаҕа кыттааччылар Саха сирин эстрадатын тыйаатырыгар кэлэн коронавируһу утары быһыы ылаллар. 

– Ыам ыйын 18 күнүгэр киэһэ 21 чаастан сарсыарда 7 чааска диэри Эстрада тыйаатырыгар “Түүҥҥү вакцинация” диэн аахсыйа биллэрдибит. Сарсыарда 9 чаастан онно эбии быһыы туруорар пуун аһаары сылдьабыт. Бүгүн тэрээһин боппуруостарынан уонна медпууҥҥа анал оборудованиены илдьиинэн дьарыктанныбыт. Бу пуун бары ирдэбиллэргэ эппиэттиир. Баҕалаахтары барыларын аахсыйаҕа кыттыһалларыгар ыҥырабыт, – диэн Дьокуускай куорат 3-с №-дээх балыыһатын кылаабынай бырааһа Светлана Давыдова кэпсээтэ.

Бу аахсыйа оптуруонньук түүн, о.э. ыам ыйын 18-19 күннэрин түүнүгэр; бээтинсэ түүн, о.э. ыам ыйын 21-22 күннэрин түүнүгэр; субуота түүн, о.э. ыам ыйын 22-23 күннэрин түүнүгэр барара былааннанар.

Вакцина ылыан баҕалаахтар паспордарын, страховой полистарын (ОМС) уонна СНИЛС илдьэ кэлэллэр. Медпуун аадырыһа: Ленин проспегын, 47-с №-дээх дьиэтэ.

Маны таһынан, Дьокуускай куорат 3-с №-дээх балыыһата баҕалаахтарга сарсыарда 8 чаастан киэһэ 20 чааска диэри быһыы туруорарын санатабыт. Балыыһа Дьокуускай куоракка аадырыһа: Лермонтов уул, 121. Хатаска сэлиэнньэтигэр –  Каландарашвили уул, 4/2, Табаҕа сэлиэнньэтигэр – Строительная уул, 31, Старая Табаҕа сэлиэнньэтигэр – Лесная уул, 12.

Балыыһаҕа бэйэлэрэ кыайан тиийбэт, кыаммат дьон 88002005454 уонна 506421 нүөмэрдэринэн билсиэхтэрин сөп.   

Вакцинация буор босхо ыытыллар. Киһи Спутник V (Гам Ковид Вак) эбэтэр ЭпивакКорона диэн вакциналартан хайатын ыларын бэйэтэ талар. Процедураҕа киириэх иннинэ быраас булгуччу доруобуйа туругун көрөр, сыаналыыр.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ