Бу кэнники икки сылга Арассыыйаҕа эмчиттэргэ наадыйыы икки төгүл кэриҥэ улааппыт -- 82%. Уһук Илиҥҥэ ити көрдөрүү 198% диэри үрдээбит. Оттон Саха сиригэр – 69%. Манна даҕатан эттэххэ, саамай ирдэнэр дойдуларынан Кировскай уобалас (312%) буолбут. Ол оннугар Алтайга төттөрү түһүү баар (-1%).
Кимнээххэ ордук наадыйалларый? Сиэстэрэлэр -- 4,7%, терапевтар -- 3,6%, фармацевт-провизордар -- 2,9%, педиатрдар -- 1,8%, неврологтар -- 1,5%, биэлсэрдэр -- 1,4%, анестезиолог-реаниматологтар -- 1,3%, офтальмологтар --1,1%, УЗИ быраастара --1%.
Өрөспүүбүлүкэбитигэр эмчиттэр орто хамнастара 52 тыһ. солк, оттон Арассыыйаҕа --– 45 тыһ. солк. Сovid-19 дьаҥын утары охсуһар эмчиттэр итинтэн ортотунан 20 тыһ. солк. элбэҕи ылаллар.
Бу дьаҥ туруоҕуттан аптекаҕа үлэ көрдөөччү ахсаана 157% улааппыт. Аны, резюмеларын үлэ көрдөөн таһааралларынан көрдөххө, сиэстэрэ үөрэхтээхтэр -- 10,3%, фармацевт-провизордар -- 4,6%, стоматолог көмөлөһөөччүтэ -- 1,5%, биэлсэрдэр -- 1,5%, терапевтар -- 1,3%.
«Саха сиригэр биир медицинскэй вакансияҕа 0,9 эрэ резюме кэлэр. Ити каадыр дэписсиитин туоһулуур. Аны туран, ол үксэ улаханнык ирдэммэт специальностар буолан биэрэллэр», - диир СӨ Үлэҕэ уонна социальнай сайдыыга миниистирэ Елена Волкова.
***
Ыспараапка
Саха сиригэр 1000 киһиэхэ Арассыыйа үрдүнэн саамай элбэх быраас, сиэстэрэ үлэлиир. Ол үрдүнэн эмчиттэр тиийбэттэр.Кэлэр 2022 сылтан медиктэр хамнастарыгар уларыйыылар киирэллэр. РФ бары эрэгийиэннэригэр медиктэр хамнастарын акылаата тэҥ буолуоҕа.2021-2030 сыллар Саха Өрөспүүбүлүкэтигэр Доруобуйа 10 сылынан биллэриллибитэ. Ааспыт 2020 сылга өрөспүүбүлүкэҕэ 18 ФАП (фельдшерскэй-акушерскай пуун) уонна икки быраастаах амбулатория тутуллан үлэҕэ киирбитэ.Бу 2021 сылга 23 ФАП уонна үс балыыһа тутуллаллар. Кэлэр 5 сылга киин оройуоннааҕы 12 поликлиника тутуллуо.
- 0
- 0
- 0
- 0
- 0
- 0