Издательский дом Редакция Подписка
Погода в Якутске: . -0 oC
КУРС ЦБ: $ 73,96 | 86,68

Нэһилиэнньэ доруобуйатын туругун бэрэбиэркэлииргэ анаан эрэгийиэннэргэ 5,8 млрд солк. ыытыахтара.

Нэһилиэнньэ доруобуйатын туругун бэрэбиэркэлииргэ анаан эрэгийиэннэргэ 5,8 млрд солк. ыытыахтара.

Киһи доруобуйатын чинчийии икки түһүмэҕинэн ыытыллыаҕа. Бастакы түһүмэххэ сэттэ көрүҥүнэн чинчийиэхтэрэ: хаан анаалыһа, хаан кислородун кэмнээһин, 6 мүнүүтэҕэ хаамтаран тургутуу, киһи тыынар уорганын бэрэбиэркэлээһин, түөс ренгенэ уонна түмүгэр терапевка көрдөрүү.

Коронавируһунан ыалдьан баран үтүөрбүт дьоҥҥо тымырдарга хаан бөлүөхсүйүүтүн быһаарар анаалыһы оҥоруохтара.

Бэрээдэк быһыытынан, бу чинчийиилэри киһи биир күн иһигэр ааһыахтаах. Ол түмүгүнэн быраастар уопсай туругун, дьарҕа ыарыытын быһааран баран, салгыы чинчийии иккис түһүмэҕэр ыыталлар.

Иккис түһүмэххэ киһи доруобуйатын үс көрүҥүнэн бэрэбиэркэлииллэр –эхокардиограмма оҥороллор, тыҥатын томографтыыллар уонна киһи атаҕын тымырдарыгар хаан бөлүөхсүйүүтэ үөскээбитин-үөскээбэтэҕин бэрэбиэркэлииллэр.

Диспансеризацияны бастакынан коронавирус дьаҥынан ыараханнык ыалдьан баран үтүөрбүт дьон ааһар. Көрдөрүнэр поликлиникаларыгар эрийэн суруйтараллар.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ