Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

Өрөспүүбүлүкэ баһылыга Айсен Николаев Аартыка улуустарыгар атыы-эргиэн логистика кииннэрин тутуутун өйүүрүн туһунан маассабай информацияны тарҕатар сириэстибэлэр кылаабынай редактордарын кытары көрсүһүүтүгэр иһитиннэрбит.

Өрөспүүбүлүкэ баһылыга Айсен Николаев Аартыка улуустарыгар атыы-эргиэн логистика кииннэрин тутуутун өйүүрүн туһунан маассабай информацияны тарҕатар сириэстибэлэр кылаабынай редактордарын кытары көрсүһүүтүгэр иһитиннэрбит.

Ил Дархан хоту уонна Аартыка улуустарыгар социальнай суолталаах табаардары тиэрдии тиһигин уларытар уолдьаспытын бэлиэтээбит. Санатар буоллахха, Аартыка улуустарыгар атыы-эргиэн логистика кииннэрин тутар наадалааҕын туһунан этиини “Якутопторг” АУо киллэрбит. Билиҥҥи туругунан “Якутопторг” 18 улууска баар ыскылаата 80% эргэрбит, хортуоппуйу, оҕуруот аһын харайар ыскылааттар суохтар.

Билигин “Якутопторг” Аартыка улуустарыгар логистика кииннэрин тутуу боппуруоһун өрөспүүбүлүкэ араас таһымыгар быһаарсар. Бастакынан Үрүҥ Хайаҕа, Черскэйгэ, Уус Куйгуга кииннэри тутуу барыахтаах. Түһүмэҕинэн 12 эбийиэк тутуллуохтаах. Бу үлэҕэ 780 мөл. солк. ирдэнэр. Бырайыак олоххо киирдэҕинэ хоту уонна аартыка улуустарыгар социальнай суолталаах бородуукталар кэмигэр тиэрдиллэр буолуохтара диэн биэдэмэстибэ пресс-сулууспата иһитиннэрэр.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ