Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

           Бүгүн, ахсынньы 25 күнүгэр, Мэҥэ Хаҥалас улууһун киинигэр, Аллараа Бэстээххэ, саха тыатын сиригэр ханна даҕаны суох аныгылыы тупсаҕай оҥоһуулаах баараҕай спорт комплексы үөрүүлээхтик арыйыы-сиэрэ туома Ил Дархан Айсен Николаев кыттыылаах ыытылынна.

           Бүгүн, ахсынньы 25 күнүгэр, Мэҥэ Хаҥалас улууһун киинигэр, Аллараа Бэстээххэ, саха тыатын сиригэр ханна даҕаны суох аныгылыы тупсаҕай оҥоһуулаах баараҕай спорт комплексы үөрүүлээхтик арыйыы-сиэрэ туома Ил Дархан Айсен Николаев кыттыылаах ыытылынна.

Саҥа эбийиэк 3,5 тыһ. кв. миэтэрэ иэннээх, үс этээстээх. Иккис этээһигэр улахан уонна кыра сөтүөлүүр бассейннардаах, сауналаах, универсальнай спорт саалалаах, сыгынньахтанар-таҥнар уонна мэдиссиинэ хостордоох. Үһүс этээскэ – теннистиир, аэробиканан дьарыктанар уонна аныгы тренажердарынан сэбилэммит саалалардаах. Мэҥэлэр бу Өлүөнэ эбэни өҥөйөн турар бэртээхэй комплекстарын Сэбиэскэй Сойууска баарыстаах спорка  бастакынан Олимпиада чөмпүйүөнэ буолбут, Саха сириттэн төрүттээх Тимир Пинегин кэриэһигэр “Баарыс” диэн ааттыырга быһаарбыттар.

Ил Түмэн дьокутаата, ыччат дьыалатыгар, физкултуураҕа уонна спорка сис кэмитиэт бэрэссэдээтэлэ Михаил Гуляев бу сүдү эбийиэк “Спорт – олох нуормата” федеральнай бырагырааманан үбүлэнэн тутуллубутун, эбийиэги бырайыактааһын өссө 2017 сыллаахха саҕаланан баран, элбэх моһоллору көрсөн, тутуу үлэтэ былырыын ыам ыйыгар эрэ саҕаламмытын, тутааччылар хамсык дьаҥыттан харгыстаммакка, харса суох үлэлээбиттэрин түмүгэр балтараа сыл иһинэн тутуллан киирбитин бэлиэтээн эттэ.

Манна сыһыаран эттэххэ,  бүгүн Мэҥэ ытык сиригэр, Майаҕа, эмиэ биир бэртээхэй, тыа сиригэр суох тутуу – ССРС норуодунай артыыһа Дмитрий Ходулов аатынан Култуура киинин дьиэтэ аанын тэлэччи арыйда. Саҥа эбийиэк Кэлэр көлүөнэ пуондатын нөҥүө анал бырагырааманан АЛРОСА үбүнэн тутулунна. Барыта 300 мөл. солк. кэриҥэ ороскуоттаммытын пуонда генеральнай дириэктэрэ Владимир Егоров иһитиннэрдэ.

Чахчы дыбарыас: 3 тыһ. кв. м иэннээх, икки этээстээх, 300 киһи олорон көрөр саалалаах, үөһэ эмиэ 50 миэстэҕэ киинэ саалалаах. Мантан инньэ култуураҕа, искусствоҕа сыһыаннаах бары тэриллиилэр манна түмсэн дьарыктанар буолуохтара. Бу баараҕай эбийиэк саха бэйээтэ Сергей Васильев-Борогонскай оройуону салайар кэмигэр туттарбыт норуот кулуубун олоҕор тутулунна. Кини: “Мэҥэлэр – хайа үрдүгэр”, -- диэн этэн турар. Чахчыта оннук!

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ