Издательский дом Редакция Подписка
Погода в Якутске: . 26 oC
КУРС ЦБ: $ 72,86 | 88,65

Кулун тутар 23 күнүгэр Ленинградскай уобалас гидрологическай институтун эспэримиэнниир сүрүн базатыгар Өлүөнэ муостатын бырайыагын конструкциятын тургутан көрдүлэр.

Кулун тутар 23 күнүгэр Ленинградскай уобалас гидрологическай институтун эспэримиэнниир сүрүн базатыгар Өлүөнэ муостатын бырайыагын конструкциятын тургутан көрдүлэр.

Эспэримиэн кэмигэр Өлүөнэ өрүскэ муус устуутун оҥорон үөрэтэн көрдүлэр. Манна муоста уонна өрүс дьиҥнээх геометрическай куопуйаларын оҥорон туһаннылар. Тургутук түмүгүнэн, конструкцияҕа биир да итэҕэс баара көстүбэтэ.

Конструкция иккис улахан тургутугу аны сайын ааһара былааннанар. Сүрүн бырайыагынан Санкт-Петербурдааҕы “Институт Гипростроймост” АУо дьарыктанар. Бу хампаанньа Крым муостатын, Владивосток муостатын бырайыактарын оҥорбута.

Санатан эттэххэ, концессионнай сөбүлэҥинэн Өлүөнэ муостатын “Восьмая концессионная компания” ХЭУо олоххо киллэриэхтээх. Бу тэрилтэ “Ростех”, “ВИС” бөлөххө бас бэринэр. Бырайыакка эрдэ “Сбербаан” ПАУо үбүнэн кыттыһара этиллибитэ.

Өлүөнэ муостата Арассыыйаҕа уһулуччу тыйыс усулуобуйаҕа тутуллубут соҕотох вантовай муоста буолуохтаах. Өскөтүн бырайыак олоххо киирдэҕинэ, бүтүн аан дойдуга суох сэдэх эбийиэк буолара күүтүллэр.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ