Издательский дом Редакция Подписка
Погода в Якутске: . -24 oC
КУРС ЦБ: $ 71,53 | 82,83

СӨ Бырабыыталыстыбатын билиҥҥи сүрүн соругунан Горнай улууһун Бэс Күөлүн сэлиэнньэтин чөлүгэр түһэрии үлэлэрэ буолар – уокка дьиэлэрин, хаһаайыстыбаларын былдьаппыт дьоҥҥо олорор дьиэлэрин кылгас болдьох иһигэр тутуу.

СӨ Бырабыыталыстыбатын билиҥҥи сүрүн соругунан Горнай улууһун Бэс Күөлүн сэлиэнньэтин чөлүгэр түһэрии үлэлэрэ буолар – уокка дьиэлэрин, хаһаайыстыбаларын былдьаппыт дьоҥҥо олорор дьиэлэрин кылгас болдьох иһигэр тутуу.

Олохтоохтор сөбүлэҥнэрин ылан, МHМ (Massiv-Holz-Mauer) технологиянан оҥоһуллубут олорор дьиэлэр тутулларын туһунан быһаарыы ылыныллыбыта. Атырдьах ыйын 19 күнүгэр СӨ Ил Дархана Айсен Николаев «АЛМАС» ХЭУо тэрилтэ ойуур быраамысыланнаһын комплексын үлэтин, билиҥҥи туругун билистэ. Тэрилтэ оҥорон таһаарыы технологиятын көрдө, архитектордары, былаан суруйааччылары уонна тутааччылары кытта сирэй көрсөн кэпсэттэ.

- Бары күүстээх үлэҕэ бэлэмнэр. Бүгүн Бэс Күөлигэр бастакы баартыйа тутуу матырыйаала тиэллэн айанныаҕа, - диэн Айсен Николаев социальнай ситимнэргэ иһитиннэрбитэ.

oper.shtab14 239652044 429537705023878 8741093755395963251 n

Massive Holz Mauer тутуу ньымата Cross-Laminated-Timber (CLT) технологияны кытта ыкса сибээстээх. Уратылара -  CLT технологиянан панель оҥорон таһаарарга меламин, эбэтэр полиуретан килиэй туһаныллар. Панеллар 24 мм халыҥнаах хаптаһынтан оҥоһуллар. Аны туран, дьиэ тутан таһаарыы 3 күнтэн 2 нэдиэлэҕэ диэри болдьохтонор. Ол курдук, бэлэм панеллары эбийиэккэ илдьэн, кылгас кэм иһигэр монтажтыыллар. Оҥорон таһаараччылар этэллэринэн, маннык технологиянан тутуллубут олорор дьиэ, кирпииччэ дьиэни кытта тэҥнээтэххэ, 17% ордук сылааһы тутар. Бу ньыманан хас да этээстээх дьиэлэри тутуохха сөп, Европаҕа маннык холобурдар бааллар эбит. «Госстандарты России» сертификаттаах уонна Сибиир усулуобуйатыгар туһанарга табыгастаах.

scale 1200 1scale 1200 2

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ