Издательский дом Редакция Подписка
Погода в Якутске: . -24 oC
КУРС ЦБ: $ 71,53 | 82,83

“Подводная лодка” диэни тыы дуу, оҥочо дуу диэн тылбаастыырбыт сыыһа курдук. Арыый да “хараабыл” диэн өйдөбүл барсар курдук. Чэ, онон уу аннынааҕы хараабыл диэххэ.

“Подводная лодка” диэни тыы дуу, оҥочо дуу диэн тылбаастыырбыт сыыһа курдук. Арыый да “хараабыл” диэн өйдөбүл барсар курдук. Чэ, онон уу аннынааҕы хараабыл диэххэ.

Дьэ, оннук уу аннынааҕы хараабыллары тутууну саҕалыыр бэлиэ түгэҥҥэ РФ Бэрэсидьиэнэ видео-сибээс нөҥүө кыттыыны ылла.

Уу аннынааҕы хараабыллары тутуу сиэрэ-туома Северодвинскайга уонна Санкт-Петербурга тэҥинэн буолла. Үөрүүлээҕэ диэн, дизельнэй икки хараабылтан бииригэр  “Якутск” диэн ааты иҥэрдилэр.

“Якутск” уу аннынааҕы хараабыл сибээһэ олох аныгылыы буолуоҕа, кый ыраахтан таба ытар сэби-сэбиргэли туруоруохтара. Маннык тимир устар аалынан Сирия сэриитигэр сылдьыбыттар. Онон көдьүүстээҕин билэллэр.

Владмиир Путин: “Арассыыйа муоратааҕы байыаннай кыаҕын салгыы бу курдук бөҕөргөтөн, сайыннаран иһиэхпит. Хараабыллары саҥа тиэхиньикэнэн,  улахан кыамталаах сэбиргэлинэн хааччыйыахпыт. Тохтуур, базаланар сирдэрин тупсарыахпыт. Аан дойду акыйааннарын стратегическай суолталаах оройуоннарыгар Арассыыйа былааҕын иилиммит хараабыллар уу ньуурунан да, уу аннынан да устар буолуохтара”, -- диэн тоһоҕолоон этэ.   

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ