Издательский дом Редакция Подписка
Погода в Якутске: . -42 oC
КУРС ЦБ: $ 73,60 | 83,35

2022 сыл бүтүүтэ «Хотугу сулус» («Полярная звезда») диэн оҕо сынньалаҥын уонна чэбдигириитин киинэ тутуллан бүтүө. Эспиэрдэр бэлиэтииллэринэн, маннык хабааннаах киин Арассыыйаҕа эрэгийиэн таһымыгар биир бастакынан Сахабыт сиригэр баар буолуоҕа.

2022 сыл бүтүүтэ «Хотугу сулус» («Полярная звезда») диэн оҕо сынньалаҥын уонна чэбдигириитин киинэ тутуллан бүтүө. Эспиэрдэр бэлиэтииллэринэн, маннык хабааннаах киин Арассыыйаҕа эрэгийиэн таһымыгар биир бастакынан Сахабыт сиригэр баар буолуоҕа.

Хотугу эргимтэҕэ олохтоох дьоҥҥо кэнчээри ыччат доруобуйатын бөҕөргөтөр, кинилэри кылгас кэмҥэ үөрэхтэн тэйитэн, сонун бырагыраамаларынан сайдар уонна сэргэхсийэр кыахтаналларыгар табыгастаах усулуобуйаны тэрийии – өрөспүүбүлүкэбит саҥа таһымҥа тахсыытыгар дьоһун хаардыы.

005b9edfe1aac77f254a93089ed30b2978e0ce2a.jpg

Киин Дьокуускай куорат таһыгар Эргэ Табаҕа бөһүөлэккэ «Хотугу мозаика» диэн туристическай-рекреационнай кылаастыр былаһааккатыгар былааннаммыт. Уопсайа 12 тыһыынча км. иэннээх сири хабар. 350 миэстэлээх сылы эргиччи үлэлиир түөрт олорор куорпустаах, оҕо эргиччи сайдарыгар үөрэх, успуорт, духуобунас уонна дьарык эйгэлэрдээх, доруобуйаны чинчийэр, кэтээн көрөр уонна чэбдигирдэр хайысхалаах буолуоҕа. Үчүгэйэ диэн оҕолор оскуола бырагырааматыттан хаалбакка, миэстэтигэр сүрүн биридимиэттэринэн үөрэнэр уонна ылбыт сыаналарын таабылларыгар суруттаран ылар кыахтаныахтара.

YK_schl_01_0001-scaled-1.jpg

Оҕолор кииҥҥэ 21 күн устата сылдьыахтара, эбии үөрэхтээһин дьарыктарыгар уһуйуллуохтара. Маныаха  фото уонна видео устуудьуйата, робототехника уонна 3-Д моделирование куруһуоктара, муусука, успуорт уонна киинэ көрдөрөр кыахтаах аактабай саалалар үлэлиэхтэрэ. Кытыы сир оҕолоро «Хотугу сулус» кииҥҥэ кэлэн, саҥаны кэрэхсээн, сонун өрүттэрин арыйан, салгыы сайдалларыгар кыах ылыахтара. Педагогтар кэтээн көрөн, оҕо дьоҕурун дириҥэтэргэ, толору арыйарга сүбэлэри биэриэхтэрэ.

445a29c4-f6b1-4940-8c9e-1dfa01bf614b_1.jpg

Сэтинньи 12 күнүгэр Саха ϴрөспүүбүлүкэтин Ил Дархана Айсен Николаев уонна «Открытие» баан бырабылыанньатын бэрэссэдээтэлэ Михаил Задорнов тутуу ыытылла турар сиригэр тиийэн, үлэ хаамыытын билистилэр уонна тэрээһин буоппуруостарын дьүүллэстилэр.

«Хотугу сулус» киин сүүс сыллаах үбүлүөйгэ анаммыт баараҕай тутуулартан биирдэстэрэ. Маныаха кини доруобуйа харыстабылын алын кыһалҕатын быһаарар эрэ буолбакка, оҕо кэлимсэ сайдыытыгар, чуолаан эбии үөрэхтээһин ситимин бөҕөргөтүүгэ, улахан суолталаах. Мин саныахпар, үүнэр көлүөнэҕэ кыһаллыы – сайдыыны өтө көрөн дьаһаныы», – диир өрөспүүбүлүкэ аҕа баһылыга Айсен Сергеевич. Маны таһынан Ил Дархан бырабыыталыстыба былааныгар салгыы «Хотугу сулус» кииҥҥэ тирэҕирэн, Уһук Илин уокурук таһымнаах оҕо сынньалаҥын тэрийэр сорук баарын бэлиэтээтэ.

8d0dbd23-0d17-49c9-908b-34fc3dfb0274.jpg

«Отркытие» баан салайааччыта Михаил Задорнов Саха сиригэр социальнай эйгэҕэ, ордук доруобуйа харыстабылын уонна үөрэхтээһин хайысхаларыгар, кыттыгас үлэни ыытарга сөбүлэҥ түһэрсиллибитин, итиэннэ салгыы ыкса үлэлииргэ интэриэс баарын бэлиэтээтэ. «Бу саҕаламмыт эбийиэк тутуллан бүттэҕинэ, бастатан туран, дьиэ кэргэҥҥэ, төрөппүттэргэ улахан көмөлөөх буолуо. Онон кэмигэр үлэни түмүктээн, үбүлүөйдээх сылы аһардыбакка, Саха сирин дьонугар-сэргэтигэр бэлэх уунар соруктаахпыт. Онтон үбүлээһин туһунан эттэххэ, тутуу Уһук Илик уокурук сайдыытын пуондатын өйөбүлүнэн, эрэгийиэн бүддьүөтэ уонна баан кыттыгастаах ыытыллар», – диир бырабылыанньа бэрэссэдээтэлэ, биллэр экэнэмиис, судаарыстыбаннай диэйэтэл Михаил Михайлович.

IMG_20211112_111749-e1636703297699.jpg

Бүгүҥҥү күн туругунан эбийиэк сыбаайалара барыта турбуттар, дьиэ тутуллар онно эмиэ оҥоһуллубут. График быһыытынан тутуу тэтимнээхтик барар, уопсай былаантан 30%-ҥа тэҥнэспит.

Комментарии (1)

This comment was minimized by the moderator on the site

Утуе киэьэнэн! Наьаа учугэй о5о киинэ тутуллара, ол гынан баран, то5о сиэрэй, бороц ецнеех дьиэлэрдээ5ий? О5о киинэ сырдык ецнеех буолуохтаа5а буолбатах дуо?

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ