От былаана улууска 29.295 тн. Бүтэһик атырдьах ыйын 4 күнүнээҕи тыа хаһаайыстыбатын исписэлиистэрин сабаҕалааһыннарынан 26.100 тн. от бэлэмнэниэхтээх. Атырдьах ыйын 24 күнүнээҕи көрдөрүүнэн, улуус үрдүнэн уопсайа 24.029,4 тн. (82 %) от бэлэмнэннэ, ол иһиттэн 1248 тн. тэрээһиннээх хаһаайыстыбалар, 9339,4 тн. бааһынай хаһаайыстыбалар уонна 14175,7 тн. кэтэх хаһаайыстыбалар. Мобильнай бригадалар 2050 тн. оту оттуохтаахтар. Уопсайа 21 мобильнай бригада улуус иһигэр ыраах сытар ходуһаларга тахсан оттууллар. Былырыын баччаларга улууска 23 882,1 тн от бэлэмнэммитэ. Сабаҕалаан көрөөһүн түмүгүнэн, быйыл төһө да кураан күннэр турдаллар, бурдук үүнүүтэ орто. Ортотунан 12-13 цн. хомуйан 1300 тн. сиэмэни хомуйарга былаанныыбыт. Үүнүү ааспыт сылтан арыый ордук. Бу хаһаайыстыбалар сааскы өттүгэр хаар типтэриитин, сиик саптарыытын бириэмэтигэр ыытылларын, паары, күһүҥҥү хорутуу үлэтин уонна минеральнай уоҕурдууну атыылаһан киллэриилэрин түмүгэ буолар.

Хортуоппуй улуус үрдүнэн 202 га ыһыллыбыта. Мантан 85 га тэрээһиннээх хаһаайыстыбалар. Сүрүннээн Суотту, Бороҕон нэһилиэгин бааһынай хаһаайыстыбалара нүөлсүтүүгэ өрүс уутун туһанан дьарыктаналлар, Күһүҥҥү хомуурга прогнозтааһын түмүгүнэн 1600 тн. хортуоппуй хомуллуо.

Оҕуруот аһа быйыл 36,5 га ыһыллыбыта, бу иһиттэн 22,1 га хаппыыста, 4,5 га моркуоп, 3,7 га сүбүөкүлэ, 6,2 га атын араас култуура.