Кэлиҥҥи кэмҥэ Саха Өрөспүүбүлүкэтин Тыатын хаһаайыстыбатын өйөбүлүнэн элбэх бааһынай саҥа хотоннонно. Ол курдук, Валерий Ефремов 100 төбөҕө анаммыт киэҥ, үрдүк, аныгылыы оҥоһуулаах хотону тутарыгар көмөлөстүлэр. Саҥа хотон үлэҕэ киирбитинэн фермери Хаҥалас улууһун тыа хаһаайыстыбатын демартаменын салайааччыта Вячеслав Владимиров кэлэн эҕэрдэлээтэ:
--Валерий Ефремов билиҥҥитэ 60 төбө сүөһүлээх. Итинтэн 35-һэ -- ыанар ынах. Бу саҥа хотоҥҥо киирэн, 100 төбөҕө диэри элбэтиэ дии саныыбыт. Тоҕо диэтэххэ, “ИП Ефремов” оройуоммутугар саамай бастыҥ көрдөрүүлээх бааһынай хаһаайыстыба буолар. Сыллата сүөһүтүн ахсаана элбээн, туттарар үүтүн кээмэйэ улаатан иһэр. Өбүгэ төрүт дьарыгын идэ оҥостон үлэлии сылдьарыгар махтанабыт.
Фермер Валерий Ефремов былырыын 2019 сыллаахха СӨ Тыатын хаһаайыстыбатын “Развитие сельского хозяйства и регулирование рынков сельскохозяйственной продукции, сырья и продовольствия на 2012-2020 гг.” гранын ылан турар. Бу сайын 150 туонна оту бэлэмнээтэ.
Үлэ киһитин эҕэрдэлиибит уонна үрүҥ аһы дэлэйдик үрүлүтэригэр баҕарабыт.
- 0
- 0
- 0
- 0
- 0
- 0