Ол туһунан Өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрэр. Ил Дархан ыйааҕынан сылгы иитиитин салаатын сайыннарар сыалтан сылгы ахсаанын 209 төбөҕө диэри тиэрдэргэ, сылын аайы 100-тэн аҕыйаҕа суох сылгы базатын тутарга уонна сылгыһыттары үөрэтэн таһаарар кииннэри тэрийэр туһунан сорук турар. 2017-2019 сылларга 250 сылгы базаларын тутарга мөлүйүөннүү солкуобай кээмэйдээх субсидия бэриллибит. Бүгүҥҥү күн туругунан, сылгы иитиитигэр үлэлиир кадрдары бэлэмниир икки үөрэх киинэ тэриллибит, Бүлүү улууһугар өссө биир үөрэх киинэ аһыллара былааннанар. 2012-2020 сылларга бааһынай хаһаайыстыбаларга тыһыынчаттан тахса грант бэриллибит, уопсайа 427 мөл. солк. суумаҕа. Ол онтон 243 мөл. солк. – сылгы иитэр хаһаайыстыбаларга. Кэлиҥҥи биэс сыл иһигэр сылгы үөрүн иитэр племенной хаһаайыстыба 17-тэн 27 диэри буолбут. Билигин племенной сылгы 10,6 тыһ. төбөҕө диэри тиийбит. Өрөспүүбүлүкэҕэ уопсайа 183 тыһ. сылгы баар.