Издательский дом Редакция Подписка
Погода в Якутске: . 26 oC
КУРС ЦБ: $ 72,86 | 88,65

Бүгүн, тохсунньу 26 күнүгэр, “Ил Түмэн” издательскай дьиэ” автономнай тэрилтэ генеральнай дириэктэрэ-сүрүн эрэдээктэрэ, Ил Түмэн тыа сиригэр уонна аграрнай бэлиитикэҕэ сис кэмитиэтин чилиэнэ Мария Христофорова СӨ бырабыыталыстыбата 2020 сыл ахсынньы 30 күнүгэр тыа хаһаайыстыбатын оҥорон таһаарыытын судаарыстыба өйүүр сорох боломуочуйаларын муниципальнай оройуоннар толороллоругар анаан олохтоох бүддьүөккэ өрөспүүбүлүкэ бүддьүөтүттэн субвенция үбүн биэрии уонна ороскуоттааһын бэрээдэгин бигэргэппит 445-с №-дээх уурааҕын олоххо киллэрии хаамыытыгар анаммыт “төгүрүк остуолу” салайан ыытта.

Бүгүн, тохсунньу 26 күнүгэр, “Ил Түмэн” издательскай дьиэ” автономнай тэрилтэ генеральнай дириэктэрэ-сүрүн эрэдээктэрэ, Ил Түмэн тыа сиригэр уонна аграрнай бэлиитикэҕэ сис кэмитиэтин чилиэнэ Мария Христофорова СӨ бырабыыталыстыбата 2020 сыл ахсынньы 30 күнүгэр тыа хаһаайыстыбатын оҥорон таһаарыытын судаарыстыба өйүүр сорох боломуочуйаларын муниципальнай оройуоннар толороллоругар анаан олохтоох бүддьүөккэ өрөспүүбүлүкэ бүддьүөтүттэн субвенция үбүн биэрии уонна ороскуоттааһын бэрээдэгин бигэргэппит 445-с №-дээх уурааҕын олоххо киллэрии хаамыытыгар анаммыт “төгүрүк остуолу” салайан ыытта.

Онлайн нөҥүө “ыйытыы – хоруй” киэбинэн ыытыллыбыт кэпсэтиигэ улуустар баһылыктара, тыа хаһаайыстыбатын управлениеларын уонна астыыр-үөллүүр, соҕотуопкалыыр тэрилтэлэр салайааччылара, исписэлиистэрэ кытыннылар. Аан тылы спикери солбуйааччы Антонина Григорьева эттэ. Антонина Афанасьевна бырабыыталыстыба уурааҕар олоҕуран, боломуочуйа ылбыт хас биирдии улууска нуорма-быраап аактатын сыыһата-халтыта суох оҥостон ылыныах кэриҥнээхтэрин ыйда.

Уураах туолуутун Тыа хаһаайыстыбатын министиэристибэтэ хонтуруоллуур. Миниистири солбуйааччы Василий Афанасьев миэстэтигэр бэрээдэги хайдах оҥостуохха сөбүн ыйан-сүбэлээн биэрэр барыллары ыыппыттарын, билигин улуустары кытта Сөбүлэһиигэ илии баттаһыы саҕаламмытын, олунньу устатыгар түмүктэнэн, субвенция бастакы  транша ыытыллыаҕын иһитиннэрдэ. Министиэристибэ аатыгар, биллэн турар, элбэх ыйытыы киирдэ. Онтон баһыйар өттө – ынах төбөтүгэр бэриллэр көмө харчыны хайдах быһыылаахтык отчуоттууртан мунаарыы.

Бүгүҥҥү кэпсэтиигэ баай-дуол уонна сир сыһыаннаһыыларыгар, экэниэмикэ, үп министиэристибэлэриттэн, нолуок уонна статистика сулууспаларыттан дуоһунастаах салайааччылар кыттаннар, сиһилии хоруйдаатылар, мунаах боппуруостары быһааран биэрдилэр. Ааспыттааҕы “төгүрүк остуолу” кытта тэҥнээтэххэ, бу сырыыга кэпсэтии кыттыылаахтара биир чопчу түмүк санааҕа кэллилэр: олохтоох салайыныы уорганнара улуус таһымыгар бэриллибит кыаҕы төһө көдьүүстээхтик, табатык туһаналлара – бэйэлэриттэн тутулуктаах уонна эппиэтинэс кинилэргэ сүктэриллэр.

“Бу уураах сүнньүнэн олоҕу хамнатыахтаах, сайдыыны түстүөхтээх дьоммут тыа сиригэр олороллор. Тыа сирин үлэһит дьоно кэмигэр сөптөөх боппуруостары көтөҕөннөр, маннык кэпсэтиилэри тэрийэн ыыттыбыт. Мөккүөртэн кырдьык үөскүүр. Норуот күүһэ – көмүөл күүһэ. Улуустар салайааччылара, бэйэҕит миэстэтигэр эмиэ быһаарар-өйдөтөр үлэни киэҥник ыытаргытыгар баҕарабын”, -- диэтэ Мария Николаевна икки чаас кэриҥэ салҕанан барбыт кэпсэтиини түмүктүүрүгэр.

(“Төгүрүк остуолга” кэпсэтиини сиһилии сарсын парламент сайтыгар уонна “Ил Түмэн” хаһыат б.дь. тохсунньу 29 күнүнээҕи таһаарыытыгар сырдатыахпыт).

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ