Издательский дом Редакция Подписка
Погода в Якутске: . 26 oC
КУРС ЦБ: $ 72,86 | 88,65

Былырыын Саха сирин хаһаайыстыбаларын окко уопсай былааннара 421 тыһ. туонна этэ. Ону 97 % толорбуттара, ол эбэтэр 460 497 туонна оту ылбыттара. Күһүөрү ойуур баһаардарыгар 2390 туонна оттоммут от эбии күдэҥҥэ көппүтэ.

Былырыын Саха сирин хаһаайыстыбаларын окко уопсай былааннара 421 тыһ. туонна этэ. Ону 97 % толорбуттара, ол эбэтэр 460 497 туонна оту ылбыттара. Күһүөрү ойуур баһаардарыгар 2390 туонна оттоммут от эбии күдэҥҥэ көппүтэ.

Күн бүгүн кыстык ортотугар тиийдэ. Онон кэмчи оттоох хаһаайыстыбалар номнуо от тиэйэн саҕалаатылар. Билигин Эбээн Бытантай улууһа 210 туонна, Нам 2593 туонна (924 туоннаны улуус таһыттан), Нерюнгри 68 туонна, Томпо 741 туонна, Амма 2695,5 туонна (2130 туоннаны улуус таһыттан), Үөһээ Халыма 75 туонна, Уус Алдан 2655 туонна, Бүлүү 280 туонна, Үөһээ Дьааҥы 150 туонна, Чурапчы 5631,8 туонна (3527,8 туоннаны улуус таһыттан), Мэҥэ Хаҥалас 3614 туонна, Орто Халыма 64 туонна оту тиэйэр соруктаахтар.

Быһа барыллаан ааҕыынан, улуустар уопсайа 18 840 туонна итэҕэс оту өрөспүүбүлүкэ иһиттэн булуохтара. Арай Нерюнгри улууһа Саха сирин таһыттан эбии от киллэрэр былааннаах.

Билигин хаһаайыстыбаларга оту тиэйии хайыы үйэ саҕаланна. Бүгүҥҥү туругунан, улуустар икки ардыларыгар тиэллиэхтээх уопсайа 12 594 туоннаттан 1 264 туоннаны (10 %) тиэйдилэр. Улуустар бэйэлэрин истэриттэн тиэллиэхтээх 6 246 туоннаттан 1809 туонна (29 %) номнуо хаһаайыстыбаларга тиийдэ.

Улуустарынан биирдиилээн бардахха, Мэҥэ Хаҥалас улууһа 158 туонна (былааныттан 14 %) оту тиэйдэ. Намнар былааннарын 50 % толордулар. Кинилэр Тулагыга бу сайын бэйэлэрэ мобильнай биригээдэнэн оттообут кэбиһиилэрин ыллылар. Аны туран, Кэбээйи улууһун кытта дуогабардаахтар.

Эбээн Бытантай улууһа 210 туонна итэҕэстээх. Онуоха Чурапчы улууһун Харбалаах сэлиэнньэтин кытта дуогабардаах. Томпо улууһа 741 туоннаттан 58 туоннаны номнуо ылбыт. Томполор эбии оту Тааттаттан уонна Хаҥаластан атыылаһаллар.

Аммалар 2130 туонна итэҕэстээхтэр. Билиҥҥитэ 149 туоннаны улуус таһыттан тиэйдилэр. 252 туоннаны улуус иһиттэн ыллылар. Үөһээ Халыма улууһа 40 туонна эбии аһылыкка уонна 35 туонна окко сайаапка түһэрбит. Уус алданнар тиийбэт отторун Үөһээ Бүлүүттэн тиэйэр былааннаахтар. Кинилэр билиҥҥитэ 2655 туоннаҕа дуогабардаахтар.

Бүлүү улууһа 280 туонна оту Дьокуускай куорат Бугур арыытыттан тиэйэ сылдьар.

Чурапчы улууһугар билиҥҥитэ төһө элбэх от тиэллибитин чопчулуу сылдьаллар.

Тыа хаһаайыстыбатын министиэристибэтин пресс-сулууспатын матырыйаалынан.

       

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ