Издательский дом Редакция Подписка
Погода в Якутске: . -11 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Пилота суох пуойастар

Ааспыт нэдиэлэҕэ Судаарыстыбаннай Дуумаҕа «Арассыыйа тимир суоллара» АУо генеральнай дириэктэрэ, бырабылыанньа бэрэссэдээтэлэ Олег Белозеров хампаанньа үлэтин түмүгүн, инники былааннарын билиһиннэрдэ уонна дьокутааттар, фракциялар ыйытыктарыгар…
24.03.24 10:24

Уопсастыба

Терактан эмсэҕэлээбит дьону өйүүргэ сокуон барылын киллэрдилэр

Судаарыстыбаннай Дуумаҕа терактан эмсэҕэлээбит Арассыыйа олохтоохторун өйүүр туһунан сокуон барылын киллэрдилэр. Бу докумуону Судаарыстыбаннай Дуума бүддьүөккэ уонна нолуокка сис кэмитиэтин чилиэнэ Оксана Дмитриева көҕүлээтэ. Ол туһунан «Парламентская газета»…
27.03.24 09:39

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Илин эҥэргэ Бырабыыталыстыба бэрэссэдээтэлэ Андрей Тарасенко тыа хаһаайыстыбатын боппуруостарынан, кыстыкка бэлэми көрөр-истэр соруктаах оробуочай сырыыта саҕаланна.

Илин эҥэргэ Бырабыыталыстыба бэрэссэдээтэлэ Андрей Тарасенко тыа хаһаайыстыбатын боппуруостарынан, кыстыкка бэлэми көрөр-истэр соруктаах оробуочай сырыыта саҕаланна.

Балаҕан ыйын 8 күнүгэр күн бастакы аҥаарыгар Уус Алдан улууһугар сылдьан баран, күн иккис аҥаарыгар үлэтин Мэҥэ Хаҥалас улууһугар салҕаата. Андрей Тарасенконы кытта үлэлиир бөлөххө Бырабыыталыстыба бэрэссэдээтэлин солбуйааччы Михаил Никифоров, Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Андрей Находкин, Бырабыыталыстыба бэрэссэдээтэлин советнига Надежда Красильникова, Тыа хаһаайыстыбатын министиэристибэтин үүнээйини үүннэриигэ, мелиорацияҕа, материальнай-техническэй хааччыйыыга уонна тыа хаһаайыстыбатын информатизациялааһыҥҥа департаменын салайааччыта Вячеслав Гаврильев уонна аска-үөлгэ уонна астааһыҥҥа-үөллээһиҥҥэ отделын салайааччыта Евгений Васильев, Ил Дархан уонна Бырабыыталыстыба дьаһалтатын пресс-сэкэритээрэ Валентина Иванова, улуус өртүттэн улуус баһылыга Николай Старостин, баһылыгы бастакы солбуйааччы Семен Потапов, тыа хаһаайыстыбатын управлениетын начаалынньыга Иннокентий Семенов, лэлэстилэр.

Өрөспүүбүлүкэ Бырабыыталыстыбатын салайааччыта бастаан “Тумул” кэпэрэтиип бурдугун ыспыт Октябрь Солооһуна бааһынатыгар сылдьан, бурдук үүнүүтүн көрдө. Манна кинини хаһаайыстыба кылаабынай агронома Тимур Десяткин көрүстэ. Бурдук үүнүүтэ кураантан сылтаан мөлтөх да буоллар, үүнэн турар таһыма орто үүнүүгэ Илин эҥэр усулуобуйатынан киирсэр диэн Андрей Владимировичка быһаардылар. Хаһаайыстыба агронома ыһыы хампаанньатыгар киириигэ үбүнэн көмө наадатын эттэ. Дьүөрэлэһиннэриллибит састааптаах эбии аһылыгы бэлэмниир собуоту үлэлэтиэхтээхтэрин эппитин сэргии иһиттэ. Сиэмэ бурдугу, уоҕурдууну, уматыгы, оҕунуоҕу, саппаас чаастары атыылаһарга элбэх ороскуоту көрсөллөр. Эргэрбит тиэхиньикэ туһаттан тахсан иһэр. Саҥаны атыылаһарга үп-харчы суох. Былааҥҥа гааттан 10 сэнтиниэри 550 туоннаҕа суоттанан аахпыт буоллахтарына, үлэ хаамыыта 380 туоннаҕа суоттаныыга түһэрэн, гааттан 7-8 сэнтиниэри ылыахтарын сөбүн сабаҕалыыллар. Андрей Тарасенко үбүнэн-харчынан кимнээххэ көмө оҥоһуллара наадатын чуолкайдаан, ааҕан-суоттаан көрөр наадатын эттэ. Улуус быйыл бурдук хаһаайыстыбаларыгар анаан 300-түү туонна эрэ сиэмэ эбиэһи, сэлиэһинэйи, нэчимиэни атыылаһар кыахтаах. Ардаҕы түһэрии боппуруоһун көтөхтүлэр. Өрөспүүбүлүкэ салалтата итиннэ үлэлэһэрин Бырабыыталыстыба Бэрэссэдээтэлэ тиэртэ. Ол гынан, ардаҕы түһэрэргэ былыттар баар буолуохтарын наада.

imagetools4

Төҥүлүгэ Андрей Тарасенко “Хоту” кэпэрэтиип үлэлиир эбийиэктэригэр сырытта. Бастаан сүөһүнү өлөрөр пууҥҥа. Бырабыыталыстыба Бэрэссэдээтэлин нэһилиэк баһылыга Гаврил Данилов уонна кэпэрэтиип дириэктэрэ Иван Максимов көрүстүлэр. Туттарыллар үүт төлөбүрүн туһунан Бырабыыталыстыба салайааччытыгар быһаардылар. Эттэн уонна үүттэн оҥоһуллар бородууксуйаларын көрдөрдүлэр. Ити күнүнэн, барыта 32 сүөһүнү тутан астаан сылдьаллар эбит. Пуун кэнниттэн кэпэрэтиип үрүҥ ас кэмбинээтигэр ыалдьыттаттылар. Ыраастаммыт ууну куталларын кэпсээтилэр. Билиҥҥи көмөлөр бырагыраамалара баар буоланнар, эдэрдэр тыа хаһаайыстыбатыгар хаһаайыстыба тэринэргэ ылсар чахчылара баалларын ыйдылар. Бородууксуйаны батарыы боппуруоһа сытыытык турарын Иван Максимов эттэ. Өрөспүүбүлүкэҕэ тэриллибит “Сахаагропродукт” кэпэрэтиип атаҕар туран биэримээри гынна диэн ыйда.

Төҥүлүттэн Майалаан иһэн, Андрей Тарасенконы Билир сайылыкка сырытыннардылар. Манна икки ыал бааһынай хаһаайыстыба тэринэн олороллор. Биирэ – сүөһү иитиитигэр, биирэ – сылгы. Бырабыыталыстыба салайааччыта тыа хаһаайыстыбатын тиэхиньикэтин гаас уматыкка көһөрүү былаана баарын иһитиннэрдэ. Андрей Владимировиһы бааһынай хаһаайыстыба баһылыга Айсен Сметанников уонна Төҥүлү бааһынай хаһаайыстыбатын төрүттээччитэ Николай Баишев көрүстүлэр, кэпсэттилэр. Сайылыкка Андрей Тарасенко, уу боппуруоһа уустугун истэн, нэһилиэктэргэ, хаһаайыстыбаларга сир аннынааҕы уунан хааччыллыы наада эбит диэн өйдөөбүтүн тиэртэ. Уу таһар массыыналар өрөспүүбүлүкэҕэ баһаарынай сулууспа нөҥүө аҕалыллан тарҕатыллыахтаахтарын иһитиннэрдэ. Мелиорацияҕа үбү тыырыыга үлэлэһии туһунан норуот дьокутаата Андрей Находкины кытта  кэпсэттилэр. Өлүөнэ уутун ситэри туһаныы кыалла илигин Бырабыыталыстыба Бэрэссэдээтэлигэр эттилэр. Нөмүгү учаастакка электроуот ситимин боппуруоһа быһаарылла олох чугаһаан баран, “тоҥоруллан” турарын киниэхэ кэпсээбиттэрин сэргээн иһиттэ. Энергетиктэргэ элбэх ыйытыы мунньулунна диэтэ.

Майаҕа киэһээҥҥи аһылыгын кэнниттэн, Андрей Тарасенко “Чүүйэ” муниципальнай унитарнай хаһаайыстыбаҕа сылдьан, сиилэс оҥоһуллуутун кытта билистэ. Хаһаайыстыба салайааччыта Святослав Кириллин үлэтиттэн билиһиннэрдэ. Бырабыыталыстыба Бэрэссэдээтэлэ сүөһү комплексын туругун туһунан сиһилии иһиттэ. Хаһаайыстыбанньык комплекс өрөмүөҥҥэ наадыйарын, төрүүр-ууһуур сүөһүлэр сааһыраннар, хаан саҥардыыта наада буолбутун туһунан кэпсээтэ.

СӨ Тыа хаһаайыстыбатын министиэристибэтин пресс-сулууспата

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением