Издательский дом Редакция Подписка
Погода в Якутске: . -31 oC
КУРС ЦБ: $ 71,53 | 82,83

Кураантан уонна ойуур баһаарыттан эмсэҕэлээбит хаһаайыстыбаларга 26 мөлүйүөн солкуобай суумалаах көмө оҥоһуллуоҕа.

Кураантан уонна ойуур баһаарыттан эмсэҕэлээбит хаһаайыстыбаларга 26 мөлүйүөн солкуобай суумалаах көмө оҥоһуллуоҕа.

Бу үп Арассыыйа Федерациятын саппаас пуондатыттан көрүллүөҕэ диэн тыа хаһаайыстыбатын миниистирин солбуйааччы Прокопий Николаев  алтынньы 6 күнүгэр социальнай ситимнэринэн аһаҕас биэриигэ иһитиннэрдэ. Тыа хаһаайыстыбатын министиэристибэтин чахчытынан, кыстыыр от 84 %-а хааччыллыбыт, 60 тыһыынча туонна от тиийбэт. «Ити эрээри, билигин түмүгү таһаарар арыый эрдэ, бүтэһиктээх чахчы ситэ хомулла илик. Барыллааһын быһыытынан, 88 %-ҥа тахсарга суоттаныахпытын сөп», – диэтэ кини. Кураантан ордук эмсэҕэлээбит Уус Алдан, Томпо уонна Өймөкөөн улуустарыгар тиийбэт оту Амур уонна Магадан уобаластарыттан аҕаларга үлэ ыытылла сылдьар. Тиэйэр-таһар үлэ саҕаламмыт.

Айсен Николаев ыйааҕынан, от ыйын 29 күнүттэн өрөспүүбүлүкэҕэ кураантан сылтаан ыксаллаах быһыы-майгы эрэсиимэ биллэриллибитэ. «Министиэристибэ эмсэҕэлээбит хаһаайыстыбалартан тустаах докумуоннары хомуйан Арассыыйа Тыатын хаһаайыстыбатын министиэристибэтигэр туттарбыта, онон отторун уокка былдьаппыт хаһаайыстыбалар хоромньулара толуйуллуоҕа. Сүөһү дорохой уонна сүмэһиннээх аһылыгын саппааһа барыта учуокка тутуллар, кыстыкка улахан куттал суох буолуоҕа», – диэтэ Прокопий Николаев.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ