Издательский дом Редакция Подписка
Погода в Якутске: . -31 oC
КУРС ЦБ: $ 71,53 | 82,83

Саха сиригэр килиэккэлээх кыылы иитиигэ алта хаһаайыстыба үлэлиириттэн «Покровскайдааҕы кыылы иитэр пиэрмэ» хааччахтаммыт эппиэтинэстээх тэрилтэ уонна Нерюнгри улууһун Иенгратыгар баар «Золотинка» муниципальнай тэрилтэ  тирэх хаһаайыстыба буолаллар.

Саха сиригэр килиэккэлээх кыылы иитиигэ алта хаһаайыстыба үлэлиириттэн «Покровскайдааҕы кыылы иитэр пиэрмэ» хааччахтаммыт эппиэтинэстээх тэрилтэ уонна Нерюнгри улууһун Иенгратыгар баар «Золотинка» муниципальнай тэрилтэ  тирэх хаһаайыстыба буолаллар.

 Бу икки хаһаайыстыба ааспыт өттүгэр кырымахтаах хара саһылы эрэ иитэллэрэ. Кэлиҥҥи сыллартан кииһи иитиигэ эмиэ ылыстылар. Холобур, «Золотинка» МУТ үс сыллааҕыта Тверь уобалаһыгар баар «Савватьево» диэн кыылы иитэр племенной хаһаайыстыбаттан 30 киис оҕотун, иллэрээ сыл Норвегияҕа ууһатыллыбыт хара саһыллары аҕалбыта. Оттон «Покровскайдааҕы кыылы иитэр пиэрмэҕэ» 2019 сыллаахха Иркутскай уобаластан, былырыын Татарстан өрөспүүбүлүкэтин «Матюшино» диэн хааччахтаммыт эппиэтинэстээх тэрилтэтиттэн киистэр аҕалыллыбыттара.

Быйыл күһүн Тверьтэн уонна Татарстантан киистэри аҕалыы саҕаламмытын, онуоха федеральнай бүддьүөттэн харчы көрүллэрин туһунан тыа хаһаайыстыбатын миниистирин солбуйааччы Прокопий Николаев социальнай ситимнэринэн быһа биэриигэ кэпсээтэ.

– Бу бэрт кэскиллээх хайысха буолар, -- диир кини. – АГАТУ учуонайдара кииһи иитиигэ научнай-чинчийэр үлэни ыыппыттара. Бастакы эксперименнэр куһаҕана суох түмүгү көрдөрдүлэр – биһиги уһун кыһыннаах тымныы дойдубутугар киис үчүгэйдик үөскүүр уонна түүтэ тупсар эбит. Ол иһин Тверь уобалаһыттан уонна Татарстантан кииһи аҕалыыны сөргүттүбүт. Кэлэр өттүгэр Новосибирскай уобаластан аҕалыахпыт.

Сыыппара: 2021 сыл тохсунньу 1 күнүнээҕи туругунан, өрөспүүбүлүкэ килиэккэлээх кыылы иитэр хаһаайыстыбаларыгар барыта холбоон, 3537 кыыл, ол иһигэр 2619 хара саһыл,, 887 киис уонна 31 күөх кырса баар.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ