Алтынньы 5 күнүнээҕи туругунан, 58 030 туонна хортуоппуй уонна 13 010 туонна оҕуруот аһа, ол иһигэр 8 800 туонна хаппыыста, 3 273 туонна моркуоп, 2 800 туонна сүбүөкүлэ уонна 2333 туонна тума буолар ас, сабыылаах тэпилииссэлэртэн 9 000 туонна оҕуруот аһа хомулунна.

Амма улууһун Сэргэ Бэһигэр Александр Фомин бааһынай хаһаайыстыбата 55 гектартан 500 туонна хортуоппуйу хомуйан, былаанын толордо. Маны таһынан былырыын саҕалаабыт тутццтцн, аныгы технологиянан хааччыллыбыт оҕуруот аһын харайар ыскылаатын, үлэҕэ киллэрдэ.
– Кураан буолан, оҕуруокка чэпчэкитэ суох сайын ааһан эрэр,-- диир кини. – Ол эрээри уонча сыл үлэлээбит уопуппутунан син үүнүүнү ыллыбыт. Маны таһынан 600 туонна сенаһы бэлэмнээтибит, ол аҥаара сүөһү иитиитинэн дьарыктанар бааһынай хаһаайыстыбалаах аҕабытыгар Константин Матвеевичка барыаҕа, ордугун атыыга таһаарыахпыт. Эһиил хортуоппуй бааһынатын кэҥэтэр былааннаахпыт. Туохха да кыайтарбат сыыс отун тохтоторго паардааһын ньыматын боруобалыахпыт. Быйыл хортуоппуй розара суордцн төрүөҕэ аҕыйах, ол эрээри бөдөҥ, саҥа боруобалаан олордубут гала диэн маҥан суорпут кырахымаала элбэх буолан быраҕары тулуйбат эбит. Ити курдук сыл аайы үлэбитигэр туох эрэ саҥаны киллэрэн холонон көрөбүт.