Издательский дом Редакция Подписка
Погода в Якутске: . -31 oC
КУРС ЦБ: $ 71,53 | 82,83

Ытыктабыллаах тыа хаһаайыстыбатын уонна астыыр-үөллүүр салаа үлэһиттэригэр, өр сылларга бу эйгэҕэ үлэлээбитуонна үлэлии сылдьар дьоммутугар идэлээх бырааһынньыкпытынан – дойду үрдүнэн бэлиэтэнэр Тыа хаһаайыстыбатын уонна астыыр-үөллүүр салаа үлэһиттэрин күнүнэн итиитик-истиҥник эҕэрдэлиибин уонна эһиги сыралаах үлэҕитин үрдүктүк сыаналаан туран, барҕа махталбын биллэрэбин!

Ытыктабыллаах тыа хаһаайыстыбатын уонна астыыр-үөллүүр салаа үлэһиттэригэр, өр сылларга бу эйгэҕэ үлэлээбитуонна үлэлии сылдьар дьоммутугар идэлээх бырааһынньыкпытынан – дойду үрдүнэн бэлиэтэнэр Тыа хаһаайыстыбатын уонна астыыр-үөллүүр салаа үлэһиттэрин күнүнэн итиитик-истиҥник эҕэрдэлиибин уонна эһиги сыралаах үлэҕитин үрдүктүк сыаналаан туран, барҕа махталбын биллэрэбин!

Бу тыа сиригэр олорор, сүөһү иитиитигэр, сиртэн үүнээйини ылыыга, тыа хаһаайыстыбатын бородууксуйатын оҥорон таһаарыыга ыарахаттартан толлубакка, сыралаһан үлэлиир дьону түмэр, сомоҕолуур бэлиэ бырааһынньык. Өрөспүүбүлүкэ агропромышленнай комплекса былааннаахтык сайдарыгар тыа хаһаайыстыбатынан дьарыктанар хас биирдии улуус, хаһаайыстыба киллэрэр кылаата тугунан да кэмнэммэт. Бүгүн тыа хаһаайыстыбатын астыыр-батарар тиһигин кэҥэтии уонна бөҕөргөтүү нөҥүө табаары оҥорон таһаарыыны улаатыннарыы – тыа хаһаайыстыбатын сайдыытын тирээн турар сыала. Ол курдук, анал программалар чэрчилэринэн сүөһү ахсаанын элбэтиигэ, кэтэх, бааһынай хаһаайыстыбалар укулааттарын бөҕөргөтүүгэ туһуламмыт араас хайысхалаах үлэ-хамнас биһиги Ил Дархаммыт, Барабыыталыстыбабыт өттүттэн сөптөөхтүк ыытыллар.

Ил Дархан бигэргэппит «Саха Өрөспүүбүлүкэтигэр тыа хаһаайыстыбатын сайдыытын кэскиллээх хайысхаларын туһунан» Ыйааҕын чэрчитинэн өрөспүүбүлүкэбитигэр сыллата сүөһү иитэр комплекстар тутуллаллар, астыыр-таҥастыыр салаа эбийиэктэрэ үлэҕэ киллэриллэллэр, саҥа тиэхиньикэ атыылаһыллар, ыһыы иэнэ кэҥэтиллэр, үлэ технологията тупсарыллар.

Өрөспүүбүлүкэтээҕи уонна федеральнай тус сыаллаах бырагырааммалар чэрчилэринэн элбэх социальнай эбийиэктэр тутуллан үлэҕэ киллэриллэллэр, АПК үлэһиттэрин уонна эдэр исписэлиистэрин олорор усулуобуйалара болҕомтоҕо тутуллар, тыа сирэ сайдыыга киэҥник хардыылыыр – кини социальнай мөссүөнэ уларыйан, тыа хаһаайыстыбатын көрдөрүүтэ тупсан иһэр.

Күн бүгүн тыа хаһаайыстыбатын күннээҕи үлэтигэр-хамнаһыгар аныгы тиэхиникэ, саҥа технология, бастыҥ уопут уонна наука ситиһиилэрэ туһаныллаллар, саҥа саҕалыыр эдэр бааһынайдарга уонна үлэлэрин-хамнастарын кэҥэтэр бааһынайдарга анаммыт граннарынан улахан хамсааһын тэриллэр. Бу барыта тыа сирин, аграрнай производствоны өйүүр судаарыстыба бэлиитикэтигэр тирэҕирэр.

Өрөспүүбүлүкэ АПК-та хаачыстыбалаахтык сайдарыгар хас биирдии тыа хаһаайыстыбатынан дьарыктанар улуус, хаһаайыстыба киллэрэр кылаата тугунан да кэмнэммэт. Төһө да бүгүҥҥү Аан дойду үрдүнэн буола турар быһыы-майгы бүрүүкээбитин иһин, тыа хаһаайыстыбатын салаатын үлэһиттэрэ биир күн тохтообокко өрөспүүбүлүкэни аһынан-үөлүнэн хааччыйан, олох уйгутун түстэһэллэр. Төһө да ааспыт сайын сорох улуустарга курааннаан, уот туран, ыксаллаах быһыы-майгы үөскээтэр, сүөһүбүт, сылгыбыт кыстыгы этэҥҥэ туорууругар күүстээх сорук туруорунабыт. Бэйэбит өттүбүтүттэн туһааннаах өйөбүлү оҥоруохпут диэн эрэннэрэбит.

Бу күн идэлэригэр бэриниилээх, тыа хаһаайыстыбатын салаата сайдыытыгар олохторун анаабыт, эдэр ыччакка холобур буолар, өр сылларга бу эйгэҕэ үлэлээбит дьоммутугар истиҥ эҕэрдэбитин уонна муҥура суох махталбытын этэбит. Эһиги сыралаах улэҕитин үрдүктүк сыаналыыбыт, үтүө суобастаах үлэҕит иһин эһиэхэ дириҥник сүгүрүйэбит!

Баҕарабыт дьиэҕитигэр-уоккутугар табыллыыны, чэгиэн туругу, дьолу-соргуну! Үлэҕитигэр үрдүк ситиһиини, быйаҥнаах бааһынаны, үрдүк үүнүүнү, дьоһун дохуоту, уйгулаах олоҕу!

Ытыктабылы кытта Тыа хаһаайыстыбатын миниистирэ Александр Атласов

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ