Издательский дом Редакция Подписка
Погода в Якутске: . 32 oC
КУРС ЦБ: $ 72,86 | 88,65

Быйыл сайын устудьуоннар тутар этэрээттэрэ үлэлиир буоллулар. Ол туһунан СӨ ыччат дьыалатыгар уонна социальнай коммуникацияҕа миниистири солбуйааччы Александр Сусоев иһитиннэрдэ.

Быйыл сайын устудьуоннар тутар этэрээттэрэ үлэлиир буоллулар. Ол туһунан СӨ ыччат дьыалатыгар уонна социальнай коммуникацияҕа миниистири солбуйааччы Александр Сусоев иһитиннэрдэ.

“Эдэр ыччат харчылаһарыгар усулуобуйа оҥорор суолталаах боппуруос. Ыччат өйүнэн эрэ буолбакка, этин-хаанын эрчийэн, илиитинэн үлэлиирин эмиэ ситиһиэхтээхпит. Кинилэр ону тутар этэрээттэргэ үлэлээн ситиһэллэр. Үлэ баар буолуоҕа! Биһиги, ыччат министиэристибэтэ уонна “Арассыыйа устудьуоннарын тутар этэрээттэрэ” ыччат уопсастыбаннай хамсааһынын Саха өрөспүүбүлүкэтээҕи отделениета буоламмыт өрөспүүбүлүкэ тутууга министиэристибэтин кытта үлэлэһэ сылдьабыт. Холобур, СӨ Бырабыыталыстыбатын уурааҕа таҕыста. Уураахха куонкуруска сайаапка биэрбит муниципальнай тэриллиилэр субсидия ылалларын туһунан этиллэр”, -- диэбит.

Александр Владимирович суруйбутунан, субсидия ылбыт муниципалитеттар устудьуоннары үлэлэтэллэр, айаннарын ороскуотун төлүүллэр уонна аһылыктарын хааччыйаллар. Оттон Ыччат дьыалатыгар уонна социальнай коммуникацияҕа министиэристибэтэ устудьуоннар тутар этэрээттэрин байыастарыгар хамнас төлүөҕэ.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ