Кэмитиэт иһитиннэриитинэн, Чайыҥдатааҕы ньиэп-гаас хостонор сиргэ химводочистка аппаратчиктара, самосвал суоппардара, подсобка оробуочайдара, 4 кырата суох разрядтаах электромонтердар, суол оҥорооччулар, 4 кырата суох разрядтаах КиПиА слесардара, араас идэлээх оробуочайдар наадалар.
Үлэһиттэргэ сүрүн ирдэбиллэрэ – квалификациятын туоһулуур дастабырыанньата, үлэҕэ уопута (сорох үлэлэргэ 3 сылтан кырата суох ыстаастааҕа) буолар. Оттон үлэһит хамнаһа 48 тыһ. солк. 80 тыһ. солк. диэри халбаҥныыр (толору испииһэги кытта манна киирэн билсиҥ).
Үлэлиэн баҕалаахтары толоруллубут уонна илии баттааһыннаах анкетаны Адрес электронной почты защищен от спам-ботов. Для просмотра адреса в вашем браузере должен быть включен Javascript. электроннай почтаҕа ыытаргытыгар ыҥыраллар. Үөрэҕи, квалификацияны дакаастыыр дастабарыанньалар куоппуйалара анкетаҕа холбуу сыһыарыаллаллар.
Сыппаранан
СӨ Нэһилиэнньэ үлэлээх буолуутун кэмитиэтэ сыл саҥатыттан өрөспүүбүлүкэ үрдүнэн барыта 22 322 киһи үлэ көрдөөччүнү учуоттаабыта.
Санатар буоллахха, СӨ Бырабыыталыстыбатын вице-премьера Алексей Колодезников регионнар миниистэрдэрин уонна бырамыысыланнай хампаанньалар салайааччыларын кытта видео-сибээһинэн ыыппыт мунньаҕар бэлиэтэммитинэн, Чайыҥдатааҕы ньиэп-гаас хостонор сиргэ үлэлии сылдьар 10 600 киһиттэн Саха сирин олохтооҕо 240 эрэ. Атыттар Арассыыйа 78 регионун олохтоохторо. Сыстыганнаах коронавирус ыарыыта тарҕаныытыттан 6 тыһ. киһи дойдутугар барбыта. Бүгүҥҥү күҥҥэ баахтанан үлэлиир 4,5 тыһ. киһи баар диэн иһитиннэрбиттэрэ.
- 0
- 0
- 0
- 0
- 0
- 0