Издательский дом Редакция Подписка
Погода в Якутске: . 32 oC
КУРС ЦБ: $ 72,86 | 88,65

Коронавирус пандемията үгүс дьон олоҕор уустук күннэри-дьыллары аҕалла. Ол курдук, өрөспүүбүлүкэҕэ үлэтэ суох хаалбыт дьон ахсаана бу кылгас кэм иһигэр эмискэ элбээтэ. Ол туһунан СӨ нэһилиэнньэтин дьарыктаах буолуутун судаарыстыбаннай кэмитиэтин бэрэссэдээтэлэ Степан Москвитин “Якутия Live” диэн ютуб биэриигэ иһитиннэрдэ.

Коронавирус пандемията үгүс дьон олоҕор уустук күннэри-дьыллары аҕалла. Ол курдук, өрөспүүбүлүкэҕэ үлэтэ суох хаалбыт дьон ахсаана бу кылгас кэм иһигэр эмискэ элбээтэ. Ол туһунан СӨ нэһилиэнньэтин дьарыктаах буолуутун судаарыстыбаннай кэмитиэтин бэрэссэдээтэлэ Степан Москвитин “Якутия Live” диэн ютуб биэриигэ иһитиннэрдэ.

Муус устар устата өрөспүүбүлүкэ үрдүнэн Дьарыктаах буолуу тустаах кэмитиэтигэр үлэлэрэ суох хаалбыт дьонтон 7779  сайабылыанньа киирбит. Былырыыҥҥы сылы кытта тэҥниир буоллахха, баччаларга 1,5 тыһ. киһи биэрбит. Үлэтэ суох буолуу кыһалҕата сытыырхайбыта харахха быраҕыллар. “Бүгүҥҥү балаһыанньаны учуоттаан, дьонтон сайабылыанньаны ыраахтан олоруу эрэсииминэн ылабыт. “Работа в России” судаарыстыбаннай порталга киирэн биэрэллэр. Ол курдук, муус устарга киирбит 7779 сайабылыанньаттан 6492 киһини учуокка туруордубут”, - диэтэ Степан Москвитин.

Пандемия кэмигэр үлэтин сүтэрбит нэһилиэнньэҕэ судаарыстыбаннай көмө оҥоһуллар. “Кулун тутар 1 күнүттэн бэттэх үлэлэрин сүтэрбит дьон от ыйыгар диэри тиийинэн олоруу кээмэйигэр тэҥнээх босуобуйаны ылыахтара. Дьокуускай куорат, илин эҥэр уонна киин улуустар олохтоохторугар 16982 солк., Бүлүү бөлөх уонна хоту улуустар олохтоохторугар 19408 солк., ону кытта 2,2 коэфициеннаах улуустар олохтоохторугар 24260 солк. көрүллэр. Бу босуобуйаны үлэ дуогабарын түһэрсэн үлэлии сылдьан кулун тутар 1 күнүн кэнниттэн үлэлэрин сүтэрбит дьон уонна үлэ дьиссипилиинэтин кэһэн уһуллубатах дьон ылаллар. Бу ирдэбилгэ хапсыбат дьон үлэлэрин сүтэрбиттэринэн босуобуйа алын кээмэйин ылаллар – 2100 солкуобайы”, -- диэн быһаарда.

Санатар буоллахха, пандемия кэмигэр үлэтин сүтэрбит дьоҥҥо судаарыстыбаттан өссө биир көмө оҥоһуллар. Үлэтин сүтэрээччи сокуоннай сааһын туола илик оҕолорун аайы 3000 солк. босуобуйатыгар эбии төлөбүр быһыытынан ылар бырааптаах.  

СӨ нэһилиэньэтин дьарыктаах буолуутун судаарыстыбаннай кэмитиэтин дааннайынан, билигин биһиги өрөспүүбүлүкэбитигэр 34,5 тыһ. киһи дьиэтиттэн олорон үлэлиир. Бу көрдөрүү үлэлиир дьон 15,5 %-на буолар.  Степан Москвитин эппитинэн, Арассыыйа атын регионнарын кытта тэҥнээтэххэ, бу үчүгэй көрдөрүү. РФ үрдүнэн дьиэлэригэр олорон үлэлиир дьон уопсай көрдөрүүтэ үлэлиир дьон ахсааныттан 7,5 %-нын ылар.   

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ