Ол курдук, аччыгый уонна орто биисинэһинэн дьарыктанааччылар бу сыл иккис кыбаарталыгар (муус устар, ыам уонна бэс ыйа) нолуогу төлүүртэн босхолоннулар. Итини тэҥэ, бэс ыйын 1 күнүттэн коронавирустан эмсэҕэлээбит тэрилтэлэргэ уонна кэммиэрчэскэйэ суох социальнай хайысхалаах түмсүүлэргэ (НКО) анал кирэдьиит бырагыраамата үлэлиэҕэ. Чааһынай тэрилтэ исписэлиистэриттэн 90 %-нын уураппакка үлэлэттэҕинэ, кирэдьиити сэргэ бырыһыанын төлөөбөт, тута сотуллаллар. Бу анал бырагыраама Арассыыйа үрдүнэн 7 мөл. киһиэхэ көмөлөһүөхтээх. 2 %-наах кирэдьиит бэриллиэҕэ, итинтэн үрдээбитин судаарыстыба уйунуоҕа. Бэйэ дьарыктаахтарга нолуоктара дохуот быһыытынан ааҕыллыаҕа. 2019 сыллаахха төлөөбүт нолуоктара барыта төннөрүллэр.
- 0
- 0
- 0
- 0
- 0
- 0