Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

Ааспыт сылга доруобуйа харыстабылын, үөрэхтээһини, култуураны уонна успуорду биир кэлимник сайыннарыыга уонна олорорго табыгастаах эйгэни тэрийиигэ СӨ Бырабыы­талыстыбата сөптөөх туһаайыыны ылыммыта 2021 сылга үлэлииргэ төһүү күүһүнэн буолуоҕа.

Ааспыт сылга доруобуйа харыстабылын, үөрэхтээһини, култуураны уонна успуорду биир кэлимник сайыннарыыга уонна олорорго табыгастаах эйгэни тэрийиигэ СӨ Бырабыы­талыстыбата сөптөөх туһаайыыны ылыммыта 2021 сылга үлэлииргэ төһүү күүһүнэн буолуоҕа.

Доруобуйабыт бэйэбит илиибитигэр баарын өйдүөххэ уонна кэмигэр тупсарарга дьулуһуохха!

Ол быһыытынан 2021 сыл олунньу 1 күнүгэр диэри СӨ Бырабыыталыстыбата Саха сиригэр Доруобуйа сылыгар аналлаах тэрээһиннэр былааннарын уонна тэрийэр кэмитиэт састаабын бигэргэтиэҕэ. Маннык соругу Бырабыыталыстыба иннигэр Ил Дархан Айсен Николаев туруорда. Санатан эттэххэ, Ил Дархан көҕүлээһининэн, Доруобуйа сылын тэрийэн ыытар туһунан ааспыт сыл ахсынньы 24 күнүгэр биллэриллибитэ. Бу тэрээһин доруобуйа харыстабылын эйгэтин эрэ буолбакка, олох-дьаһах бары хайысхаларын хабар. «Доруобуйа анал кэнсиэпсийэтэ хас биирдии киһи доруобуйатын көрүнэригэр кыһамньытын олох нуорматын быһыытынан ылынарыгар туһуланар», — диэн Бырабыыталыстыба вице-премьера Ольга Балабкина бэлиэтээн эттэ.

Саха сиригэр Доруобуйа сылын бырайыага түөрт бөлөххө арахсар:

  • «Чэгиэн киһи — чэбдик Саха сирэ»

  • «Олох эйгэтин хаачыстыбата»

  • «Көхтөөх уопсастыба»

  • «Мэдиссиинэ уонна генетика»

«Чэгиэн киһи — «Чэгиэн киһи — чэбдик Саха сирэ»
Саха сирэ  чэгиэн-чэбдик  олох киининэн буоларын тэрийиигэ сүрүн хайысхаларын ырытан былаанын оҥоруу. «Чэгиэн киһи-чэбдик Саха сирэ» судаарыстыбаннай бырагырааманы оҥорон бигэргэтии уонна олоххо киллэрии.

«Олох эйгэтин хаачыстыбата»
Нэһилиэнньэ доруобуйатын харыстааһыҥҥа уонна чөл туруктаах буоларыгар аныгы ыҥырыыларга эппиэттиир биир кэлим  куйаары тэрийии. Дьиэ-уот, олорор сир эйгэтин тупсарыыга туһуламмыт дьаһаллары олоххо киллэрии: бэлисипиэт суолун-ииһин оҥоруу, ойуур пааркатын түөлбэлэрин тэрийии, уопсастыбаннай былаһааккалары  тутуу. Битэмиининэн хааччыйыыны, олохтоох экологическай аһы-үөлү оҥорон таһаарыыны өйөөһүн, кинилэр хаачыстыбаларын уонна тиийиэмтиэ буолууларын тэрээһиннэрин ыытыы.

«Көхтөөх «Көхтөөх уопсастыба»
Киэҥ уопсастыбаннай көҕүлээһиннэри олоххо киллэрии, көхтөөх буолуу эйгэтин сайыннарыы, чөл олоҕу тутуһуу, уопсастыба доруобуйатын бөҕөргөтүү тэрээһиннэрин ыытыы.

«Мэдиссиинэ «Мэдиссиинэ уонна генетика»
Доруобуйа харыстабылын тиһигин уонна хас биирдии киһи сирдэтинэр сыалларыгар туһуламмыт дьаһаллары төрдүттэн уларытыы. Бастакы мэдиссиинискэй көмөнү оҥорор тэрилтэ саҥа моделын, санитарнай авиацияны уонна Аартыкатааҕы мэдиссиинэ сайдыытын эрэгийиэннээҕи стратегиятын оҥорууга үлэлэр ыытыллаллара былааннанар.


Өрөспүүбүлүкэ үрдүнэн биллэриллибит сыл сүрүн күүтүүлээх түмүктэринэн нэһилиэнньэ сааһын 73 сылга  диэри үрдэтии уонна киһи  өлүүтүн аччатыы буолуоҕа. Ил Дархан Айсен Николаев бэлиэтээбитинэн, Доруобуйа сылыгар ыытыллар тэрээһиннэргэ чопчу соруктар туруоруллуохтаахтар. Бу соруктар кэлэр уон сылга эрэгийиэҥҥэ  эт-хаан, духуобунас, социальнай өттүнэн чөл, бигэ туруктаах уопсастыба доктринатын сайыннарыыга сүрүн олугунан буолуохтаахтар.

20 стр

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ