Издательский дом Редакция Подписка
Погода в Якутске: . -16 oC
КУРС ЦБ: $ 71,53 | 82,83

Уһук Илин уокурук олохтоохторугар сөмөлүөтүнэн көтүүгэ көрүллэр чэпчэтиилээх билиэтинэн туһанааччы кэккэтэ сотору кэминэн хаҥыан сөп.

Уһук Илин уокурук олохтоохторугар сөмөлүөтүнэн көтүүгэ көрүллэр чэпчэтиилээх билиэтинэн туһанааччы кэккэтэ сотору кэминэн хаҥыан сөп.

Бу туһунан РФ Бэрэсидьиэнэ Владимир Путин ааспыт сыл ахсынньы 23 күнүгэр эппитэ. «Уһук Илин эрэгийиэннэригэр салгын аалларынан дьону тиэйии кэбэҕэс буоларын хааччыйар бырагыраамалары кэҥэтэргэ этиитэ киллэриҥ, онуоха сааһынан хааччахтааһыны устарга болҕойуҥ», — диэн тустаах биэдэмистибэлэргэ сорудахтаабыта.
Онон РФ Бырабыыталыстыбата уонна Судаарыстыбаннай сэбиэт тырааныспарга хамыыһыйата эрэгийиэннэрдээҕи салгын аалларынан тиэйии бырагыраамалары кэҥэтэргэ этиилэрин киллэриэхтээхтэр. Сорудах б.дь. кулун тутар 15 күнүгэр диэри толоруллуохтаах.

«Уһук Илиҥҥи уокурук олохтоохторо сөмөлүөтүнэн көтүүгэ чэпчэтиилээх билиэти туһаналларыгар РФ Бырабыыталыстыбата 5 млрд. солк. ороскуоттуоҕа», — диэн РФ премьер-миниистирэ Михаил Мишустин иһитиннэрэн турар. Онон быйыл Уһук Илиҥҥи уокурук олохтоохторо чэпчэтиллибит сыаналаах билиэти атыылаһан, ким сынньана, ким аймахтарын көрсө, ким эмтэнэ барар кыахтаныаҕа.

20 стр

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ