Издательский дом Редакция Подписка
Погода в Якутске: . -30 oC
КУРС ЦБ: $ 71,53 | 82,83

«Киһи олоҕун бэйэтэ оҥостор уонна киэргэтэр” диэн мээнэҕэ эппэтэх буолуохтаахтар.  Коронавирус  дьаҥа киһи аймах уйанын, хатанын тургутан көрөр аналлаах быһыылаах.  Пандемияттан сылтаан санаабытын түһэрбэккэ, саппаҕыран олорбокко, сүргэбитин, санаабытын бэйэбит  көтөҕүнэн   сылдьарбыт ирдэнэр.

«Киһи олоҕун бэйэтэ оҥостор уонна киэргэтэр” диэн мээнэҕэ эппэтэх буолуохтаахтар.  Коронавирус  дьаҥа киһи аймах уйанын, хатанын тургутан көрөр аналлаах быһыылаах.  Пандемияттан сылтаан санаабытын түһэрбэккэ, саппаҕыран олорбокко, сүргэбитин, санаабытын бэйэбит  көтөҕүнэн   сылдьарбыт ирдэнэр.

Билигин култуура тэрилтэтин үлэһиттэрэ көхтөөх уонна баай ис хоһоонноох тэрээһиннэринэн дьон санаатын ордук көтөҕөллөр. Үчүгэйэ диэн, билигин интэриниэт ситиминэн араас тэрээһиннэри ыытыахха сөп. Соторутааҕыта инстаграм ситимин көрө олорон,  олус үчүгэй хаартыскаларга «кэтиллэ түстүм”.  Чурапчы улууһун Төлөй нэһилиэгин А.С.Бродников аатынан “Аартык” норуот айымньытын дьиэтин үлэһиттэрин көҕүлээһиннэринэн,  “Симэммит мааныкай” диэн аһаҕас хаартыска куонкуруһа  бэрт сэргэхтик ыытыллыбыт.

“Аартык” норуот айымньытын дьиэтин уус-уран салайааччыта Евдокия Аржаковалыын  төлөпүөнүнэн кэпсэттим.

--Евдокия Ефимовна, үтүө күнүнэн!  Киһи сүргэтин көтөҕөр   үчүгэй да куонкуруһу тэрийэн ыыппыккыт.

--Биһиги нэһилиэкпит тыа хаһаайыстыбатын үлэтин өрө тутар. Сылын аайы Тыа хаһаайыстыбатын үлэһитин күнүн далааһыннаахтык бэлиэтиибит. Былырыын “Симэммит мааныкай” диэн аһатан олорор   хороҕор  муостаахтарбытыгар анаан куонкуруһу нэһилиэкпит иһинэн ыыппыппыт. Быйыл пандемиянан сибээстээн интэриниэт көмөтүнэн сэтинньи 3-19 күннэригэр аһаҕас куонкурус быһыытынан тэрийдибит.  Муома, Абый, Үөһээ Дьааҥы,   Чурапчы,  Мэҥэ Хаҥалас, Таатта, Амма, Горнай, Ньурба улуустарыттан үлэлэр киирдилэр. Конкуруспут сыала-соруга тыа хаһаайыстыбатын үлэһитин өрө тутуу буолар.  Дьүүллүүр  сүбэ уопсайа 19 үлэ киирбититтэн кыайыылааҕынан Оотой уонна Тоотой диэн үс саастаах оҕусчааннары биллэрдэ. Оҕусчааннар хаартыскаларын Таатта улууһун Баайаҕатыттан Ольга Бурнашева ыыппыта. Куонкуруспут сүрүн усулуобуйатынан хаһаайын хороҕор муостааҕын бэйэтэ оҥорбут  малларынан-салларынан (аксессуарынан) симээбит буолуохтаах.  Ольга Бурнашева мотуруос көстүүмнэрин тигэн, Оотойго уонна Тоотойго  кэтэрдэтэлээн кэбиспитэ олус сэргэх, олус барсар. Уопсайынан, үчүгэй хаартыскалар киирдилэр, кыайыылааҕы быһаарар уустук этэ. Биһиги аһаҕас куоластааһынтан аккаастаммыппыт. Тоҕо диэтэххэ, маннык түгэҥҥэ ким элбэх билэр дьонноох ол кыайар. Дьүүллүүр  сүбэҕэ “Аартык” норуот айымньытын дьиэтин үс үлэһитэ уонна тыа хаһаайыстыбатын исписэлииһэ киирдилэр. Бу куонкуруспут мантан инньэ сылын аайы Тыа хаһаайыстыбатын үлэһитин күнүгэр ыытыллыаҕа.

Манна даҕатан эттэххэ

Төлөй нэһилиэгэр бу күһүн 7 хотон тутуллан үлэҕэ киирбит. Үс хотону бааһынай хаһаайыстыбалара анал субсидия, биир хотону СӨ Үлэҕэ уонна социальнай сайдыыга министиэристибэтин социальнай хантараагын  уонна 3 хотону биирдиилээн дьон бэйэлэрин үптэринэн туппуттар. Үлэттэн чаҕыйбат төлөйдөргө ситиһиилэри баҕарабыт, тыа хаһаайыстыбатын сайыннарыыга улахан төһүү күүһүнэн буоларгыт иһин  махтал!

Муома Чуумпу Кытылыттан кэрэ сэбэрэлээх Кэрэчээнэ копия

Мэҥэ Хаҥалас Чыамайыкытыттан сайыҥҥылыы симэммит Сайыына копия

Таатта Харбалааҕыттан Маҥаачык кырасаабысса копия

Таатта Харбалааҕыттан тапталлаахтар Хаампый уонна Өрүөстээх

Тиэлигиттэн муоданы сырсар Ньоорой ньирэйАбый улууһуттан симэхтэрин симэнэн Туллук барахсан

Абый улууһун Киэҥ Күөл нэһилиэгиттэн Марта

Абый улууһун Улахан Күөлүттэн Нокоо сэлээппэтин кэтэн киэргэнэн турар копия

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ