Киинэни аан бастакынан Ил Дархан, бэлиитиктэр, култуура дьиэйэтэллэрэ, уопсастыбынньыктар көрбүттэр. Ил Дархан Айсен Николаев бырабыыталыстыба пресс-сулууспатын кытары бэйэтин санаатын үллэстибит. “Судаарыстыбаннас күнүн көрсө бэртээхэй бэлэх туттубут – режиссер Никита Аржаков “Тыгын Дархан” киинэтэ киэҥ эйгэҕэ тахсарыгар бэлэм буолбут. “Тыгын Дархан” сахалыы киинэ сайдан иһэрин дьэҥкэтик туоһулуур”, -- диэбит.
Киинэни 2016 сылтан саҕалаан устубуттар. Өрөспүүбүлүкэ тоҕус улууһун сиригэр-уотугар үлэ барбыт. XVI үйэҕэ туттулар тэриллэр, иһиттэр-хомуостар, сэрии сэбиргэллэрэ оҥоһуллубуттар, ураһалар тутуллубуттар. Киинэҕэ уопсайа 10 тыһыынча олохтоох дьон уһуллубута биллэр. Ол туһунан режиссер Никита Аржаков бастакы көрдөрүү иннинэ кэпсээбит.
- 0
- 0
- 0
- 0
- 0
- 0