Издательский дом Редакция Подписка
Погода в Якутске: . 26 oC
КУРС ЦБ: $ 72,86 | 88,65

Арассыыйа эдэр талааннарын саамай улахан күрэҕэ -- “Синяя птица” куонкурус -- быйыл сэттис төгүлүн ыытылынна. Онно Дьокуускай куорат Саха политехническай лицейин IX кылааһын үөрэнээччитэ Аэлита Ершова ситиһиилээхтик кытынна.

Арассыыйа эдэр талааннарын саамай улахан күрэҕэ -- “Синяя птица” куонкурус -- быйыл сэттис төгүлүн ыытылынна. Онно Дьокуускай куорат Саха политехническай лицейин IX кылааһын үөрэнээччитэ Аэлита Ершова ситиһиилээхтик кытынна.

 main thumb 15

Кини сүүмэрдиир түһүмэҕэр битбокс доҕуһуолугар бэркэ хомустаан, дьүүллүүр сүбэ чилиэннэрин: артыыс Сергей Безруков, балет үҥкүүһүтэ Николай Цискаридзе, эстрада ырыаһыта Дима Билан, виртуоз пианист  Денис Мацуев уонна  вокал педагога,  ырыаһыт Олег Погудин – хайҕалларын  ылбыта.

7e90ea60 04ad 4d83 b593 6bc5df72462b

 Түмүктүүр күрэх бэҕэһээ, ахсынньы 27 күнүгэр, “Россия-1” ханаалга көһүннэ. Онно Аэлита быйылгы “Кинотавр” киинэ фестивалыгар “Дьахтар бастыҥ оруола” ааты ылбыт ырыаһыт Валентина Романова-Чыскыырайдыын нүөмэр көрдөрдүлэр.

56d98966 6028 4da8 87d7 9872e26b8e76

Ол эрээри 4 бастыҥ иһигэр хабыллыбатылар.Кыайыылаахтарынан скрипкаҕа оонньуур Илва Эйгус, трубач Александр Рублев, оргаҥҥа доҕуһуоллуур Стефанида Ермолаева уонна гимнастка Аглая Рязанова буоллулар.

    Аэлита Ершова  Саха политехническай лицей иһинэн тэриллибит “Добун” оҕо норуодунай этно-фольклорнай ансаамбылыгар сылдьар. Кини Красноярскай кыраай Шушенскай бөһүөлэгэр ыытыллар “Мир Сибири” норуоттар икки ардыларынааҕы улахан фестивальга 400 киһиттэн соҕотоҕун “Симпатия жюри” номинацияны ылан турардаах. «Голос Арктики» норуоттар икки ардыларынааҕы фестиваль Гран-при хаһаайына. “Добуну” таһынан СӨ үтүөлээх артыыһа, виртуоз хомусчут Альбина Дегтяреваҕа эбии эрчиллэр.

Оттон “Добун” этно-фольклорнай кэлэктиип туһунан этэр буоллахха, бу ансаамбыл – Саха политехническай лицей “визитнэй карточката”. I-X кылааска диэри 60 оҕо үс бөлөҕүнэн дьарыктанар. Барыларын СӨ култууратын туйгуна Марина Ильинична Сокольникова-Мохначевская уһуйар. Оҕолор хомустаан дьүрүһүтэллэр, кырыымпалаан кыҥкынаталлар, күпсүүргэ, чардаакка, дьаҕаҕа, араҕаска, айааҥҥа, табыкка оонньууллар.

1 41

24 киилэлээх чардааттарын соһо сылдьан, аан дойду араас муннугар кэнсиэрдээбиттэрэ. Ол курдук, Кэриэйэҕэ, Турцияҕа, Крымҥа, Казахстаҥҥа, Санкт-Петербуга, Москваҕа, Сочига, Красноярскайга, о.д.а соҕуруу сирдэргэ ыытыллыбыт куонкурустарга чаҕылхайдык

2 16

        Нууччалыы эйгэлээх куорат оҕолоругар сахалыы тыыны иҥэрэр “Добун” ансаамбылга уонна Саха политехническай лицейгэ ( дир. Н.К. Тимофеева) уруй буоллун өссө биир ситиһиилэринэн уонна кэлэр сылга өссө үрдүк чыпчааллары дабайалларыгар баҕарабыт!

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ