Издательский дом Редакция Подписка
Погода в Якутске: . -12 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Пилота суох пуойастар

Ааспыт нэдиэлэҕэ Судаарыстыбаннай Дуумаҕа «Арассыыйа тимир суоллара» АУо генеральнай дириэктэрэ, бырабылыанньа бэрэссэдээтэлэ Олег Белозеров хампаанньа үлэтин түмүгүн, инники былааннарын билиһиннэрдэ уонна дьокутааттар, фракциялар ыйытыктарыгар…
24.03.24 10:24

Уопсастыба

Терактан эмсэҕэлээбит дьону өйүүргэ сокуон барылын киллэрдилэр

Судаарыстыбаннай Дуумаҕа терактан эмсэҕэлээбит Арассыыйа олохтоохторун өйүүр туһунан сокуон барылын киллэрдилэр. Бу докумуону Судаарыстыбаннай Дуума бүддьүөккэ уонна нолуокка сис кэмитиэтин чилиэнэ Оксана Дмитриева көҕүлээтэ. Ол туһунан «Парламентская газета»…
27.03.24 09:39

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

“Тыймыыт баара...” Ити этиини иһиттибит да, харахпытыгар “Хаһан сайын буоларый?” сериал Сусаннатын саныы биэрэбит. Киитэрэй, бэйэтин туһатыгар толкуйдуур, албын-көлдьүн, дьону эрбэҕин үрдүгэр эргитэ сылдьар оҕуруктаах толкуйдаах Сусаннаны артыыс анал үөрэҕэ суох Венера СОФРОНЕЕВА олус итэҕэтиилээхтик оонньоон, хоһоон айыахтарыгар тиийэ абарбыттар да бааллара, кыһыйбыттар-кыйахаммыттар да үгүстэрэ.

“Тыймыыт баара...” Ити этиини иһиттибит да, харахпытыгар “Хаһан сайын буоларый?” сериал Сусаннатын саныы биэрэбит. Киитэрэй, бэйэтин туһатыгар толкуйдуур, албын-көлдьүн, дьону эрбэҕин үрдүгэр эргитэ сылдьар оҕуруктаах толкуйдаах Сусаннаны артыыс анал үөрэҕэ суох Венера СОФРОНЕЕВА олус итэҕэтиилээхтик оонньоон, хоһоон айыахтарыгар тиийэ абарбыттар да бааллара, кыһыйбыттар-кыйахаммыттар да үгүстэрэ.

сусанна

 Дьон дууһатын кылын таарыйар, болҕомтотун тардар, сэҥээриилэрин ылар, үөрдэр-кыыһырдар гына сатабыллаахтык оонньуур – туһугар эмиэ улахан ситиһии. Венера ол ситиһиитин долгуна билигин да уоста илик, саҥа сериал саҕаламмытыгар, үгүс киһи: “Оттон Сусанна тоҕо суоҕуй?” – диэн ыйыппыт этэ. Ол аата көрөөччү кинини кэтэһэр, күүтэр эбээт!

--Аны омсолоох буолбакка, төттөрүтүн, биһирэмнээх дьоруойу оонньуохпун баҕарабын. Ол гынан баран, дьон атыҥырыа диэн сэрэйэбин. Кинилэр миигин “тыймыыттан” атыннык санаабаттар буоллаҕа дии, онон уустук соҕус буолуо...

Ол эрээри Венера ол “уустугун” булгуччу кыайыаҕар эрэнэбин. Тоҕо диэтэххэ, кини ылсыбыт дьыалатын хаачыстыбалаахтык толорорун сөбүлүүр. Холобура, боруобалаан уһуллууга ыҥырбыттарыгар, эппиэтинэстээхтик сыһыаннаһан, дьиэтигэр бэлэмнэммит – видеокамера иннигэр уобараһын хайдах арыйарга дьарыктаммыт.

--Уһуллар кэммэр “Туораттан хайдах көстөрүм эбитэ буолла?” диэн төрүт санаабат этим. Болҕомтобун оруолбар эрэ уурарым. Ол иһин сорох сыаналарга сирэйбин араастаан туттарым кырасыабайа суохтук көстүбүтэ буолуо да, онтон кыбыстыбаппын. Кэмэнтээрийдэргэ аахпыппар, Сусаннаны эрэ үөхпэтэхтэр этэ, бэйэбин эмиэ кыратык хаарыйан ылбыттар эмиэ бааллара. Ол эрээри дьон хайҕалын, сэмэтин чэпчэкитик ылынар, уйар уонна тулуйар эбиппин.

  Төһө да нарын-намчы буоллар, Венера хоп-сип, тыл-өс аайыттан самныбат кытаанах санаалаах. Модун санааланыы холобурунан киниэхэ 95 саастаах эбэтэ, Герой ийэ Екатерина Васильевна Адамова буолар.

1 54

 --Эбэбит билигин да олоххо тардыһыыта күүстээх, барыбытын сырдыкка-үчүгэйгэ көҕүлүү олорор. Сериалы көтүппэккэ көрбүтэ. Бүппүтүн кэннэ, куоракка баар оҕолору барыбытын мунньан, киинэбитин саныыр-ырытар көрсүһүүнү тэрийбитэ. Чэйдии-чэйдии, хайдах оонньообуппун эҥин кэпсэтэн күлсэн-үөрэн, бэрт истиҥ сэһэргэһии буолбута. Көр, кини соннук кырдьыбат дууһалаах, эдэрдэрдиин эйэргэһэр үтүө эйгэлээх. Сааһын тухары нэһилиэк сэбиэтин сэкирэтээрэ буолан, тоҕус оҕотун барыларын үөрэхтээх буоларга туһаайбыт. “Киһи олорорун тухары бэйэтин сайыннарыахтаах” диэн тосхолу мин киниэхэ көрөбүн: скандинавтардыы хаалыктаах хаамар, өссө тиэргэн хаарын кытта күрдьэр. Эдэр сылдьан дьахталлартан бастакынан матасыыкылы мииммит. Оннук хорсун-хоодуот, хоһуун эбэлээхпит. Дьон-сэргэ ытыктаан Сэбиэт Кэтириинэ диэн ааттыыр. Ыччакка холобур буолар киһибит.

  --Кыргыттарыттан биирдэстэрэ -- эн ийэҥ Валентина Васильевна Софронеева. Саха гимназиятын дириэктэрэ.

   --Саамай дьоллоох оҕо саас сайылыкка ааһар дииллэр. Оннук дьолу билэ улааппыппыттан үөрэбин. Ийэм аах Ильиннэр диэннэр, төрүт уус үөһээ бүлүүлэр. Эһэм биллэр хапсаҕайдьыт Василий Тихонович Ильин. Билигин биһиги кэккэбитигэр суох. Дьэ, сайын аайы Ильиннэр бары Кээнэкээн диэн сайылыкпытыгар тахсарбыт. Онно сөтүөлээн, сир астаан, балыктаан, кустаан, көҥүлгэ көччүйэн, оонньоон-көрүлээн, айылҕалыын алтыһан – оо, наһаа да үчүгэй буолара! Билигин да тыа сиригэр талаһыым улахан, түгэн көһүннэ да, кэргэним Максим дьонугар, мин аймахтарбар бара турабыт. Билиҥҥи ыччат үксэ соҕуруу сайдыылаах киэҥ сиргэ тардыһар эбит буоллаҕына, биһиги, төттөрүтүн, сааһырдахпытына дэриэбинэҕэ олохсуйуохпутун баҕарабыт. Хара үлэттэн эҥин толлубаппын. Кыра эрдэхпититтэн оттоон-мастаан улааттахпыт дии.

2 21

    -- Куорат кыыһа итинник диирин истэргэ үчүгэйин! Уонна уу сахалыы саҥараргын хайҕаатым.

  -- Иккис кылааска диэри Үөһээ Бүлүүгэ олорбуппут. Дьокуускайга сахалыы тыыннаах Саха гимназияҕа үөрэммитим. Итиэннэ улахан махтала ийэм Валентина Васильевнаҕа буоллаҕа дии – төрөөбүт тылбытыгар тапталы иҥэрбитигэр. Кини бэйэтэ ньиэмэс уонна ангылычаан тылларын учуутала, нууччалыы эйгэлээх куорат сиригэр салайар үлэҕэ үлэлиир. Оннук хас да тылы баһылаабыт киһи, баҕар, төрөппүт оҕолорун атын тас дойдуга олорорго сыаллаан-соруктаан иитиэн сөп этэ да, биһиги ийэбит дойдутугар олус бэриниилээх, мэлдьи өрөспүүбүлүкэбитигэр туһалаах суолу тутуһарга кыһаллар. Мин эмиэ дойдумсахпын, оннооҕор биир ый Мальтаҕа нэһиилэ үөрэнэ барбытым, Кээнэкээммэр сайылыы хаалаары баҕа бөҕө этим.

-- Ийэҥ эдьиийэ Феодосия Васильевна Габышева эмиэ оннук дьиҥ патриот киһи дии. Саха сирин сайдыытыгар киллэрбит кылаата сүҥкэн.

         -- Феодосия Васильевна – тумус туттар киһибит. Үлэтинэн төһө да солото суох буоллар, өрүү сүбэтинэн өйүү-көмөлөһө сылдьар. Үчүгэйэ диэн, биһиэхэ ким да: “Эн хайаан да оннук буолуохтааххын, маны гыныахтааххын”, -- диэн дьаһайбат-соруйбат, ыйбат-кэрдибэт, модьуйбат. Киһи бэйэтэ сайдарыгар көҥүлү биэрэллэр, хааччахтаабаттар. Ол иһин, холобура, мин түөрт сыл инженеринэн үлэлээн баран, фрилансердыы барбыппар, хайалара да баалаабатаҕа. Сүрэҕим баҕарарынан хаартыскаҕа түһэриинэн дьарыктанабын. Ол гынан баран, билигин олохпор иһийии, уоскуйуу, бэйэни иһиллэнии, көрдөнүү кэмэ.

FullSizeRender 10 02 21 01 19

--Ол иһин даҕаны барытыгар холонон көрөр эбиккин: сериалга да оонньоон, ырыаҕар клип да устан, фотографтаан. Култуура үлэһитэ буолуо хаалбыккын. Көстөр дьүһүнүҥ да барсар. Быһыыгын-таһааҕын көрүнэҕин аҕай дуу?

         --Ээ, суох. Бу аҕабын батан хатыҥырбын. Аҕам Иван Софронеев ахсыска үөрэнэ сырыттахпына суох буолбута. Олох “паапа оҕото” этим. Баара буоллар, миигин тэлэбиисэргэ көрөн, төһө эрэ үөрүө этэ. Кини Кэбээйи Тыайатыттан төрүттээх. Кэбээйитээҕи аймахтарым да, ийэм да дьоно сериалга бэйэбиттэн чыҥха атын киһини оонньообуппуттан соһуйбуттар этэ. Дьиҥ олохпор чуумпубун, холкубун, судургубун. Уонна оннук боростуой майгылаах дьоннуун тапсабын. Туохха барытыгар бэрээдэги биһириибин. Дьиэ-уот ыһылларын сөбүлээбэппин, күммүн былаанныыбын. Тулаҕар барыта орун-оннугар буоллаҕына, өйүҥ-санааҥ эмиэ  сааһыланар дии саныыбын.

Чахчыта да, ис уонна тас эйгэлэр дьүөрэлии сырыттахтарына эрэ олохтон дуоһуйууну толору ылаҕын. Оннук гармония Венера олоҕор өрүү баар буоллун. Оттон бу иһийиитин кэмигэр бэйэтин үчүгэйдик иһиллэнэн, дьоҕурун-талаанын таба тайанан, өссө да саҥаны-сонуну айа-тута туруоҕар саарбахтаабаппыт.

FullSizeRender 10 02 21 01 19 3 1

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением