Людмила Титова М.С.Щепкин аатынан театральнай үрдүкү училищеҕа Саха сирин 6-с устуудьуйатын салайааччытынан буолар. Саха өрөспүүбүлүкэтин култууратын министиэристибэтин пресс-сулууспата иһитиннэрбитинэн, норуот артыыһа Саха сирин тыйаатырын үлэтин-хамнаһын кытары билсэ кэлбит. Чуолаан кэлэктииби уонна Саха тыйаатырын репертуарын кытары билсиэҕэ. Людмила Титова Саха сириттэн М.С.Щепкин аатынан тыйаатыр үрдүкү училищетыгар үөрэнэр устудьуоннары Борис Клюев олохтон туораабытын кэннэ салайар буолбута.
Людмила Титова Саха сиригэр кулун тутар 25 күнүгэр диэри сылдьыаҕа. Бу кэм устата кини Саха тыйаатырын испэктээкиллэрин, Олоҥхо тыйаатыра туруорбут «Дьырыбына Дьырылыатта» олоҥхону көрүөҕэ. Андрей Борисов «Культурная эволюция» диэн ааптарскай биэриитигэр ыалдьыттыаҕа, Саха, Олоҥхо уонна Үүнэр көлүөнэ тыйаатырдарын артыыстарын, АГИКИ устудьуоннарын кытары көрсүөҕэ.
- 0
- 0
- 0
- 0
- 0
- 0