Издательский дом Редакция Подписка
Погода в Якутске: . -24 oC
КУРС ЦБ: $ 71,53 | 82,83

«Култуура» нацбырайыагынан өрөспүүбүлүкэҕэ тыа сиригэр култуура кииннэрин тутуутугар уонна өрөмүөнүгэр 337 мөл. солк.тахса үбү көрдүлэр. Ол туһунан СӨ култууратын министиэристибэ пресс-сулууспата иһитиннэрэр.

«Култуура» нацбырайыагынан өрөспүүбүлүкэҕэ тыа сиригэр култуура кииннэрин тутуутугар уонна өрөмүөнүгэр 337 мөл. солк.тахса үбү көрдүлэр. Ол туһунан СӨ култууратын министиэристибэ пресс-сулууспата иһитиннэрэр.

Үбү федеральнай бүддьүөттэн 2024 сылга диэри ыытыахтара. СӨ култууратын уонна духуобунай сайдыытын миниистирэ Юрий Куприянов иһитиннэрбитинэн, култуура дьиэлэрин тутуутугар уонна өрөмүөнүгэр бу үптэн таһынан өрөспүүбүлүкэ бүддьүөтүттэн эмиэ көрүөхтэрэ.

«Дойду баһылыга көҕүлээбит нацбырайыагын көмөтүнэн тыа сиригэр баар култуура дьиэлэрин өрөмүөннүүр уонна саҥа эбийиэктэри тутар кыахтанныбыт. Ол курдук, 2022 сылга  солк. икки култуура дьиэтин тутуутугар уонна хапытаалынай өрөмүөнүгэр федеральнай бүддьүөттэн 101,2 мөл. көрүөхтэрэ. Ол курдук, Бүлүү улууһун Тымпы сэлиэнньэтигэр элбэх функциялаах култуурунай киин, Сунтаар улууһун Кэмпэндээйитигэр 150 миэстэлээх култуура киинэ тутуллуохтара, бу эбийиэктэри 2023 сылга киллэрэргэ былаанныыбыт», -- диэн миниистир иһитиннэрбит.

Юрий Куприянов эппитинэн, Саха АССР 100 сыллаах үбүлүөйүн сылыгар, 2022 сылга Горнай Бэрдьигэстээҕин, Өлүөхүмэ улууһун Заречнай, Үөһээ Халыма Уһун Күөл уонна Угольнай, Ньурба улууһун Чуукаар  сэлиэнньэлэрин култуураларын кииннэрэ олохтоохтук өрөмүөннэниэхтэрэ.

Ол курдук, онтон кэлэр сылларга – 2023 сылга уонна 2024 сылга 137,1 мөл. солк. уонна 99 мөл. солк. «Култуура» найиональнай бырайыагынан үп көрүллүөхтэрэ.

Бу сыл бүтүүтэ Нам улууһун Аппаны сэлиэнньэтигэр Култуура киинэ саҥа дьиэтэ үлэҕэ киириэҕэ. Бу тутууга 147,71 мөл. солк. көрүллүбүт. Бүлүү улууһун Тааһаҕар сэлиэнньэтигэр эмиэ култуура дьиэтэ тутулла турар, 2022 сылга олоххо киирэрэ былааннанар.

Амма улууһугар Федот Потапов аатынан норуот айар үлэтин дьиэтэ, Нерюнгри Иенгратыгар баар В.С. Енохов аатынан  «Эян» этнокултуурунай киин, Алдан уонна Зырянка оҕо искусствотын оскуолалара хапытаалынайдык өрөмүөннэниэхтэрэ.  

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ