- Бу «Пушкин картата» саҕалааһыммыт дьон-сэргэ ортотугар дойду үрдүнэн култуурнай тэрээһиннэри кэрэхсэбиллээхтик сайыннарыыга туһуланар. Бырайыак хайдах үлэлиэхтээҕин туһунан сиһилии, атырдьах ыйын 30 күнүгэр, улахан пресс-конференцияҕа иһитиннэриэхпит, - диэн дойду култууратын миниистирэ Ольга Любимова кэпсээтэ. Кини этэринэн, бу үлэлэргэ биэдэмистибэ дойду хас биирдии субъектарын кытта көхтөөх үлэни ыытар.
«Пушкин картатыгар» угуллубут харчыны култуура тэрилтэлэригэр эрэ туһаныахха сөп буолар. Түмэллэргэ, тыйаатырдарга, кэнсиэртиир саалаларга, филармонияҕа, консерваторияҕа уонна дойду үрдүнэн бары култуура атын тэрилтэлэригэр билиэт атыылаһалларыгар туһаныллар. Карта электроннай көрүҥүнэн, мобильнай төлөпүөҥҥэ хачайданыаҕа. РФ Бэрэсидьиэнэ Владимир Путин этэринэн, бу акция 14-эн 22-гэр диэри саастаах ыччаттарга ананар. Биир кэмнээх 3 тыһ.солк. төлөбүр култуура тэрилтэлэригэр сылдьарга картаҕа угуллуоҕа.
Пушкин картатынан сылдьар тэрээһиннэр толору афишаларын «Культура.РФ» порталыгар (https://pro.culture.ru) уонна «Госуслуга» сыһыарыытыгар көрүөххэ сөп буолуоҕа. «Пушкин картата» бырагыраама чэрчитинэн тэрээһиннэри олорор эрэгийиэнинэн эрэ буолбакка, дойду үрдүнэн айанныыр кэмҥэ туһаныллар.
- 0
- 0
- 0
- 0
- 0
- 0