КУРС ЦБ: $ 75,86 | 89,06

Сарсын, ол эбэтэр олунньу 23 күнүгэр, Ильмень күөл кырыктаах кыргыһыытыгар кыттыбыт саха буойуттарын кэриэстиир күн. Мин хос-хос эһэм Архип Владимирович Филиппов ол уоттаах охсуһууга сырдык тыына быстыбыт...

Сарсын, ол эбэтэр олунньу 23 күнүгэр, Ильмень күөл кырыктаах кыргыһыытыгар кыттыбыт саха буойуттарын кэриэстиир күн. Мин хос-хос эһэм Архип Владимирович Филиппов ол уоттаах охсуһууга сырдык тыына быстыбыт...

Сэрии саҕаланыыта хос-хос эһэм Архип Владимирович Филиппов Дьокуускай куоракка ОДьКХ салайааччытынан үлэлии сылдьыбыт.

Кини 1902 сыллаахха Хаҥалас улууһун Нөмүгү нэһилиэгэр төрөөбүт. Кэргэнэ оҕолоноору өлбүт. Оччолорго эһэм холкуос бэрэссэдээтэлэ эбит. Ол үлэлии сырыттаҕына, Дьокуускайга ОДьКХ-ҕа ыҥырбыттар. Биир кыыс оҕолооҕун туппутунан, куоракка көһөн киирбит.

Дьэ, ити курдук таһаарыылаахтык үлэлии-хамсыы сылдьан, Ийэ дойдутун көмүскүү барар санаата тэһитэ кэйэн, 1942 сыллаахха бэйэтин баҕатынан сэриигэ аттаммыт. Ол уоттаах сэриигэ кини аймахтарыттан 18 киһи суорума суолламмыт. Эһэм аатырбыт 19-с стрелковай хайыһар дивизиятыгар түбэспит.

lyzhniki2

Хомойуох иһин, кини  туһунан сурах-садьык итинэн бүппүт. Онон сураҕа суох сүппүттэр ахсааннарыгар суруллан, туох-хайдах буолбута биллибэтэх. Арай кэлин архыып докумуоннарын хасыһан, онно-манна сураһан билбиппит, эһэм барахсан Ильмень күөл кыргыһыытыгар кыттыбыт эбит. Онно муус анныгар барбыт...

 Төһө да дьыллар-күннэр аастыннар, ол ынырыктаах сэрии кэмнэрин, онно сырдык тыыннарын толук уурбут буойуннары, Улуу Кыайыыны уһансыбыт тыыл үлэһиттэрин, оонньооботох оҕо саастаах оҕолору биһиги умнубаппыт, кинилэринэн киэн туттабыт, хас биирдиилэрин өйдүү-саныы сылдьабыт.

Арсен  Винокуров,

Өлөөкө Күөл, Орто Халыма.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ