Ол курдук,  Арассыыйаҕа юниордарга  РФ спордун маастара Рамир Николаев чөмпүйүөннээтэ.  “А” категорияҕа Арассыыйа бэргэн ытааччылара илин-кэлин түһүстүлэр. Манна Саха сириттэн  Степан Черепанов, Игорь Егоров уонна Артур Николаев кытыннылар. Үс күннээх киирсии түмүгүнэн,  боруонса мэтээли Артур Николаев ылары ситистэ. Игорь Егоров уонна Степан Чепалов 7-с уонна 10-с миэстэ буоллулар. Онтон «В» категорияҕа көмүс мэтээли Саха сирин бэргэн ытааччыта  Альберт Кузьмин кыл мүччү ыла сыста.  Сүрүн бырагырааманы  Башкортостан ытааччытын кытта 180 очокуолаах түмүктээн, эбии  ытарга күһэллибиттэр.  Башкортостан ытааччыта Виталий Поляков бэргэнник ытан, биһиги уолбут Альберт Кузьмин иккис миэстэни ылла. Бэтэрээннэр ортолоругар бастакы миэстэни биир дойдулаахпыт Василий Алексеев  ылары ситистэ. Итини тэҥэ, хамаанданан киирсиигэ биһиги бэргэн ытааччыларбыт Артур Николаев, Степан Чепалов уонна Игорь Егоров иккис миэстэ буоллулар. Бу хамаанданан киирсиигэ маҥнайгы миэстэни хаһаайыттар – «Демидовскай» хамаандата бастаата. Билигин Арассыыйа үрдүнэн спортиҥҥа күрэхтэһии үгэннээн ыытылла турар. Ол курдук, бэрт сотору дуплеттаан ытыыга уонна улахан спортиҥҥа чөмпүйэнээттэр уонна дойду Кубогар күрэхтэһиилэр ыытыллыахтара.