Издательский дом Редакция Подписка
Погода в Якутске: . -33 oC
КУРС ЦБ: $ 73,60 | 83,35

Арассыыйа бөҕөһө, Дагестан уола, 32 саастаах Хабиб Нурмагомедов Абу-Дабига, Саха сирин бириэмэтинэн бүгүн сарсыарда 5 чаас ааһыыта, Эмиэрикэ охсуһуугун Джастин Гэтжини иккис раунд 1,5 мүнүүтэтигэр атаҕынан муомахтаан кыайда.

Арассыыйа бөҕөһө, Дагестан уола, 32 саастаах Хабиб Нурмагомедов Абу-Дабига, Саха сирин бириэмэтинэн бүгүн сарсыарда 5 чаас ааһыыта, Эмиэрикэ охсуһуугун Джастин Гэтжини иккис раунд 1,5 мүнүүтэтигэр атаҕынан муомахтаан кыайда.

Бу -- Хабиб UFS чэпчэки ыйааһыҥҥа чөмпүйүөнүн курун үһүс төгүл көмүскээһинэ. Кини бастакы сырыытыгар 2018 сыллаахха эмиэ Эмиэрикэ бөҕөһүн Эла Яквинтаны, онтон былырыын иккиһигэр ирландец Конор Макгрегоры кыайталаабыта. Дьиҥэр, быйыл саас ыам ыйыгар Хабиб Тони Фергюсоннуун киирсиэхтээҕин, пандемия үгэнигэр Эмиэрикэҕэ кыайан көппөккө, кини оннугар Джастин охсуһан Фергюсону дөйүппүтэ. Онон, быстах чөмпүйүөн аатын ылан, Нурмагомедовтыын киирсэр быраабы ылбыта.

Джастин күрэхтэһии иннинэ: “Хабиб наар боксердары, кик-боксердары тустуутунан кыайар. Мин курдук тустууну уонна боксаны тэҥҥэ баһылаабыт спортсмены кытта баччааҥҥа диэри көрсө илик. Онон мин кинини чаанын тардыам”, -- диэн чабыламмыта гынан баран, улаханнык утарыласпакка, утуйан хаалла. Бастакы раунд бүтүө мүнүүтэ аҥаарын иннинэ Хабиб утарсааччытын түҥнэри көтөн, илиитин эрийиэхчэ буолан истэҕинэ, сынньалаҥы биллэрэр гонг тыаһаата. Иккис раунд 2-с мүнүүтэтигэр Джастин тэппитигэр атаҕыттан харбаан ылан, эмиэ суулларан түһэрдэ уонна икки атаҕынан “үс муннук” диэн албаһы оҥорон, тыынын хаайан, утутан кэбистэ.

Инньэ гынан, Хабиб 29-с кыайыытын ситистэ, ол иһигэр UFS-га 13-с төгүлүн субуруччу хотто. Кавказ хотойо охсуһуу түһүлгэтигэр 29 төгүл тахсыбытын устатыгар биирдэ даҕаны хотторуу хомолтотун билэ илик. Хабиб хапсыһыы бүппүтүн кэннэ мусульманнар позаларыгар олорон баран, уһуннук умса түһэ сытан уйадыйда. Бука, быйыл сайын от ыйыгар ковидтан сылтаан олохтон туораабыт аҕатын Абдулманап Нурмагомедовы -- оҕо эрдэҕиттэн тустууга, охсуһууга уһуйбут итиэннэ наар батыһа сылдьан эрчийэр-дьарыктыыр, сүбэлиир-амалыыр чугас киһитин, санаатаҕа. Бу кини аҕата суох бастакы киирсиитэ... уонна бүтэһик.

Хабиб бүгүн соһуччу бу тиһэх киирсиитэ буолбутун уонна охсуһуутун быраҕарын туһунан эттэ. “Джастины кытта киирсиигэ ыҥырбыттарыгар ийэм аҕата суох охсуһарбын сөбүлээбэтэҕэ. Үс күнү быһа ааттаһан, бүтэһикпин охсуһабын диэн тылбын биэрэн, сөбүлэҥин ылбытым. Мин соҕотох төрөппүттээх хааллым. Мантан ыла туох баар болҕомтобун, кыһамньыбын ийэбэр ууруох тустаахпын”, -- диэтэ. Онон Хабиб Нурмагомедов 29 төгүл киирсибитин тухары биир хотторуута суох түмүктээбит спортсмен быһыытынан булкаас охсуһуу устуоруйатыгар хаалара саарбаҕа суох.

Василий НИКИФОРОВ.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ