Быйылгы "Хаҥалас хапсаҕайын" бэдэр тириитин ким кэттэ уонна 200 тыһыынчатын ылла?
Издательский дом Редакция Подписка
Погода в Якутске: . 2 oC

Сүрүн сонуннар

Бүгүҥҥү сонуннар

Бэлиитикэ

Биэнсийэ, хамнас уонна тииһинэн олоруу алын кээмэйэ улаатар

Бэс ыйын 1 күнүттэн үлэлээбэт биэнсийэлээхтэр биэнсийэлэрэ 10 %-ынан үрдүөҕэ, ону таһынан хамнас алын кээмэйэ уонна тииһинэн олоруу алын кээмэйэ 10 %-ынан улаатыаҕа. Итинник дьаһалы Судаарыстыбаннай Сэбиэт президиумун мунньаҕар Бэрэсидьиэн Владимир Путин…
26.05.22 09:08

Экэниэмикэ

Уопсастыба

Култуура

Саха театрын сыанатыгар кэскиллээх бырайыак сүрэхтэннэ!

Ыам ыйын 24 күнүгэр Саха театрыгар дьоhун тэрээhин ыытылынна. Ол курдук Дьокуускайдааҕы педагогическай колледж устудьуоннарын кытта Саха театрын артыыстара биир санааҕа түмсэн, эрдэттэн бэлэмнэнэн, айымньылаахтык үлэлээн-хамнаан «Семинария паартатыттан…
25.05.22 23:10

Түһүлгэ

 Мүрүйээдэ: үтүмэн үйэлэр быыстарын сэгэтэн

Мүрү Эбэ аата аан бастаан сурукка-бичиккэ киирбитэ 355, Бороҕон улууһугар оҕону үөрэхтээһин саҕаламмыта 250, Саха АССР тэриллибитэ 100 сылларынан, итиэннэ Мүрүгэ Саха Сирин норуоттарын VIII спортивнай оонньууларын көрсө, "Мүрүйээдэ (үтүмэн үйэлэр быыстарын…
07.04.22 22:37

Тыа сирэ

Хаптаҕайтан хааннаахпын хаһан да умнубаппын...

Өлүөнэ эбэбит уҥа биэрэгэр, Мыла, Тамма үрэхтэр икки ардыларыгар тайаан сытар, үс Геройу үөскэппит өлгөм буордаах, үтүө-мааны үлэһит дьонноох, төрөөбүт-үөскээбит Хаптаҕайбыт төрүттэммитэ 200 сылыгар, Социалистическай Үлэ Геройа Гаврил Семенович Самсонов…
10.04.22 16:09

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

75 саастаах Өйдөбүнньүк

1941-1945 сс. Аҕа дойдуну көмүскүүр Улуу сэриигэ оҕолорун мэлиппит ийэлэр, кэргэттэрин сүтэрбит огдооболор, аҕаларын былдьаппыт тулаайахтар манна кэлэн сүгүрүйэллэрэ, өлбүттэр куттара манна баарын курдук саныыллара...
26.05.22 14:08

“Хаҥалас хапсаҕайа” күрэхтэһии быйыл, хамсыгы утары дьаһалынан сиэттэрэн, уратытык ыытыллар. Көрөөччүтэ суох уонна күрэхтэһээччилэри икки күҥҥэ икки аҥы хайытан ыытыллар.

“Хаҥалас хапсаҕайа” күрэхтэһии быйыл, хамсыгы утары дьаһалынан сиэттэрэн, уратытык ыытыллар. Көрөөччүтэ суох уонна күрэхтэһээччилэри икки күҥҥэ икки аҥы хайытан ыытыллар.

Маҥнайгы күн субуотаҕа ыарахан ыйааһыннаах уоланнар кииристилэр. Эдэрдэргэ 85 уонна 95 киилэҕэ диэри, 95 киилэттэн үөһэ, бэтэрээннэргэ 80 уонна 90 киилэҕэ диэри, 90 киилэттэн үөһэ ыйааһыннаахтар быһаарыстылар.

 Күн аҥаардаах күлүмэх күөн көрсүһүүлэр түмүктэригэр эдэр эрдьигэннэргэ 85 киилэҕэ Игорь Софронеев (Нам), Алексей Захаров (Чурапчы), Олег Чернов (Дьокуускай), 95 киилэҕэ Александр Халыев (Таатта), Павел Николаев (Кэбээйи), Сергей Семенов (Нам), 95-тэн үөһэ Данил Иванов (Хаҥалас), Кузьма Сивцев (Нам), Евгений Алексеев (Уус Алдан) бириистээх миэстэлэри бу турар бэрээдэктэринэн ыллылар.

Сааһырбыт эрээри, билигин даҕаны буораахтаах даадардар хабыр хапсыһыыларыгар 80 киилэҕэ Прокопий Петров (Хаҥалас), Михаил Дедюкин (Таатта), Александр Андреев (Чурапчы), 90 киилэҕэ Христофор Христофоров (Таатта), Сергей Захаров (Мэҥэ Хаҥалас), Алексей Некрасов (Дьокуускай), 90 киилэттэн үөһэ Александр Румин (Нам), Степан Гаврильев (Амма), Иннокентий Чаприн (Бүлүү) утарсааччыларын түҥнэритэ көтөн, бириистээх миэстэлэри эйэ-дэмнээхтик үллэһиннилэр.

Ыйааһыннарыгар бастаабыттарга Хаҥалас улууһун нэһилиэктэрэ саа сэртипикээтин туттартаатылар. Оттон саамай сыаналаах бириис, биллэн турар, ыарахан ыйааһыннаах даадардар муҥутуур кыайыылаахтарыгар туттарылынна. Барыта 23 бөҕөс күөн көрсүбүтүттэн Илья Кондратьев кэриэһигэр ыытыллар быйылгы түһүлгэ Аар Дарханын аатын Уус Алдан уолана, өрөспүүбүлүкэҕэ кэлиҥҥи сылларга өрөгөйдүү сылдьар Евгений Алексеев ылла. Кини утары тахсыбыты барыларын, ол иһигэр кинини ыйааһыныгар бүдүрүппүт Хаҥалас тахсан эрэр тустуугун Данил Иванову, холкутук охтортоото. Онон Евгений Алексеев “Хаҥалас хапсаҕайын” бэдэр тириитин кэппитин таһынан 200 тыһ. солкуобайы уктан барда.

Бүгүн, өрөбүлгэ, чэпчэки ыйааһыннаахтар (эдэрдэргэ 57, 65, 75 киилэлэргэ диэри уонна бэтэрээннэргэ 60, 70 киилэлэргэ диэри) күөн көрсүөхтэрэ. Итиэннэ түмүккэ эмиэ муҥутуур кыайыылааҕы быһаарсыахтара. Ким бастаабыты В.Семенов-Күүстээх Баһыы бирииһэ күүтэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением