Издательский дом Редакция Подписка
Погода в Якутске: . -24 oC
КУРС ЦБ: $ 71,53 | 82,83

От ыйын 7 күнүгэр Ил Түмэн ыччат дьыалатыгар, физическай култуураҕа уонна успуорка сис кэмитиэтин бэрэссэдээтэлэ Михаил Гуляев Арассыыйа успуордун миниистирин Олег Матыцины уонна Арассыыйа олимпийскай кэмитиэтин бэрэсэдьиэнин Станислав Поздняковы көрүстэ.

От ыйын 7 күнүгэр Ил Түмэн ыччат дьыалатыгар, физическай култуураҕа уонна успуорка сис кэмитиэтин бэрэссэдээтэлэ Михаил Гуляев Арассыыйа успуордун миниистирин Олег Матыцины уонна Арассыыйа олимпийскай кэмитиэтин бэрэсэдьиэнин Станислав Поздняковы көрүстэ.

Ыҥырыылаах ыалдьыттар XXI “Манчаары оонньууларыгар” сылдьыахтаахтар. Михаил Гуляев РФ успуордун миниистиригэр өрөспүүбүлүкэҕэ киэҥ далааһыннаах бырайыактары олоххо киллэриигэ мэлдьи көмөлөһөрүн иһин махтанна. “Саха Өрөспүүбүлүкэтигэр физическай култуура уона успуорт сайдыытыгар оҥорбут сүҥкэн кылааккыт иһин махтанабын. Инникитин да бииргэ үлэлээһиммит ыыра кэҥээн, Саха сирин экэниэмикэтин уонна социальнай инфраструктуратын сайдыыларыларын көҕүлүөҕэ”, – диэн Михаил Дмитриевич тыл эттэ.

Санаттахха, “Манчаары оонньуулара” –“Спорт – норма тур” диэн федеральнай бырайыакка киирбитэ. Бу бырайыак от ыйын 7 күнүгэр Бэрдьигэстээх сэлиэнньэтиттэн, Кыайыы болуоссатыттан, саҕаланыахтаах. Бу бэлиэ түгэҥҥэ РФ успуордун миниистирэ Олег Матицын, СӨ Ил Дархана Айсен Николаев уонна Арассыыйа олимпийскай кэмитиэтин бэрэсэдьиэнэ Станислав Поздняков  кытталлар. Ол кэннэ ыалдьыттарга национальнай успорт көрүҥнэрин маастар-кылаастарын көрдөрүөхтэрэ. Салгыы биир килэмиэтирдээх сүүрүү буолара былааннанар. Онно 150 спортсмен кыттыахтаах.  

Бу бырайыак Арассыыйа атын куораттарыгар: Москваҕа, Обнинскайга, Ульяновскайга, Белгородка, Сочига уонна Калугаҕа тиийиэхтээх.

Ил Түмэн пресс-сулууспата.  

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ