Ааҕааччыбыт ыыппыт хаартыската ону дьэҥкэтик туоһулуур. Үс күннээх-түүннээх ардах түһэн “Бүлүү” федеральнай суолун сорох сиринэн алдьатта. Бу -- Аһыма сэлиэнньэтин таһынааҕы көстүү.
“Охсубут оппутун ардах былдьаата”, -- диэн ааҕааччыбыт хомолтотун үллэстэр.
Gismeteo сайт көрдөрөрүнэн, Бүлүү улууһугар кэлэр уон күҥҥэ күннээх чаҕылхай күн аҕыйах.
"Бүлүү" суол управлениета иһитиннэрбитинэн, 214-218 км. ардахтан алдьаммыт "Бүлүү" федеральнай суолунан массыыналар этэҥҥэ айанныыларын курдук үлэ ыытыллар. Күннэтэ дьуһуурустуба олохтоон, тыраанспартаах дьоҥҥо көмө оҥоһуллар. Биэдэмэстибэ пресс-сулууспата иһитиннэрбитинэн, Аһыма сэлиэнньэтин таһынан ааһар федеральнай суолга хапытаалынай өрөмүөн бара турар. Өрөмүөн кэнниттэн суол аспаал бүрүөһүннээх буолар. Ол үлэ 2021 сыл алтынньы ыйыгар түмүктэниэхтээх.
- 0
- 0
- 0
- 0
- 0
- 0