Издательский дом Редакция Подписка
Погода в Якутске: . 19 oC
КУРС ЦБ: $ 74,30 | 88,17

Амма улууһун Мээндиги нэһилиэгэр саҥа кырааска сытынан дыргыйбыт фельдшерскэй-акушерскай пуун аһыллар үөрүүлээх түгэнэ буолла.
Мээндиги нэһилиэгин историятыгар 2020 сыл балаҕан ыйын 4 күнэ көмүс буукубаларынан киирдэ. Ол курдук 38 сыл буолан баран саҥа фельдшерскэй-акушерскай пуун (ФАП) дьиэтэ арылынна.

Амма улууһун Мээндиги нэһилиэгэр саҥа кырааска сытынан дыргыйбыт фельдшерскэй-акушерскай пуун аһыллар үөрүүлээх түгэнэ буолла.
Мээндиги нэһилиэгин историятыгар 2020 сыл балаҕан ыйын 4 күнэ көмүс буукубаларынан киирдэ. Ол курдук 38 сыл буолан баран саҥа фельдшерскэй-акушерскай пуун (ФАП) дьиэтэ арылынна.

Аалай кыһыл лиэнтэни кылаабынай быраас Михаил Архипов, саҥа дьиэ сэбиэдиссэйэ, фельдшер Раиса Кириллина, акушерка, СӨ уонна РФ доруобуйа харыстабылын туйгуна, Мээндиги нэһилиэгин бочуоттаах олохтооҕо, “Амма киэн туттуута” бэлиэлээх Серафима Стручкова уонна тутааччы Георгий Матвеев үөрүүлээх быһыыга-майгыга быстылар.

Олохтоохтору нэһилиэк баһылыгын э.т. Альбина Филиппова, улуус кылаабынай бырааһа Михаил Архипов, култуура управлениетын начаалынньыга Евдокия Сутакова уонна ФАП дьиэтин туппут “Мегастрой” ХЭТ дириэктэрэ Георгий Матвеев эҕэрдэлээтилэр.
Мээндигитээҕи ФАП дьиэтин тутуу үлэтэ 2018 сылга саҕаламмыта. Онно оччотооҕу кылаабынай быраас Софья Александрова нэһилиэк дьаһалтатын кытта ыкса үлэлэһэннэр, дьыалабыай кэпсэтиилэри ыытан, “Судаарыстыбаннай, чааһынай партнерство” бырагырааматыгар кыттан, тутааччыны булан, ФАП дьиэтэ уочаратын иннинэ бэрт кылгас кэм иһигэр тутуллан, бүгүн саҥа дьиэ үөрүүлээх малааһына тэрилиннэ. Тып-тап курдук саҥа дьиэ ыраас, сырдык көстүүлээх, уурбут-туппут курдук олбуордаах.
ФАП дьиэтин тутууга үтүө суобастаахтык үлэлэспит бары дьоҥҥо махтал суруктары, бочуотунай грамоталары туттардылар. Фельдшер Раиса Кириллина улуус бочуотунай грамотатынан, акушер быраас Серафима Стручкова “Мээндиги нэһилиэгин сайдыытыгар кылаатын иһин” бочуот бэлиэнэн наҕараадаланнылар.

Михаил Архипович иһитиннэрбитинэн, маннык ФАП дьиэтэ 2019 сыллаахха Сулҕаччыга, быйыл Мээндигигэ, бу сыл бүтүөр диэри Покровкаҕа уонна Сатаҕайга киирэрэ былааннанар. Уратыта диэн Мээндигитээҕи ФАП-ҥа уталытыллыбат терапия кэбиниэтэ баар буолла, ол эбэтэр суһал көмө быраастара кэлиэхтэригэр диэри фельдшер уонна акушерка миэстэтигэр анал хоско көмө оҥорор кыахтанныллар.

“Биһиэхэ 2015 сыллаахха ФАП-тары оборудованиенан хааччыйыы национальнай бырайыагынан саҥа миэбэл кэлбитэ. Быйыл доруобуйа харыстабылын министиэристибэтин иһинэн баар хамыыһыйа территориальнай фондатыттан холодильник, сухожаровой ыскаап, ЭКГ аппарат биэрбитин туттубут”, – диэн Серафима Ильинична иһитиннэрдэ.
Дьоро күн балыыһа дьиэтин тас көстүүтүн ситэрэн, кэлбит ыалдьыттар олбуор тула мас олортулар.

«Амма олоҕо» хаһыат

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ