Издательский дом Редакция Подписка
Погода в Якутске: . 19 oC
КУРС ЦБ: $ 74,30 | 88,17

Өрөспүүбүлүкэ салайааччыта Айсен Николаев Сунтаар улууһугар үлэлээтэ. Ол курдук, сарсыарда сөмөлүөттэн түһээт, Ил Дархан улуус салайааччыларын, ыытыллар үлэҕэ-хамнаска эппиэттээх үлэһиттэри кытта «Демография» национальнай бырайыак чэрчитинэн Сунтаар сэлиэнньэтин РТС түөлбэтигэр тутулла турар 240 миэстэлээх оҕо саадын тутуутун көрдө.

Өрөспүүбүлүкэ салайааччыта Айсен Николаев Сунтаар улууһугар үлэлээтэ. Ол курдук, сарсыарда сөмөлүөттэн түһээт, Ил Дархан улуус салайааччыларын, ыытыллар үлэҕэ-хамнаска эппиэттээх үлэһиттэри кытта «Демография» национальнай бырайыак чэрчитинэн Сунтаар сэлиэнньэтин РТС түөлбэтигэр тутулла турар 240 миэстэлээх оҕо саадын тутуутун көрдө.

Ил Дархан Айсен Николаевы кытта Сунтаар улууһугар СӨ Бырабыыталыстыбатын Бэрэссэдээтэлин солбуйааччы эбээһинэһин толорооччу Михаил Никифоров, «Арктик-Капитал» ХЭТ генеральнай дириэктэрэ Матвей Евсеев, СӨ Судаарыстыбаннай Мунньаҕын (Ил Түмэн) Бэрэссэдээтэлин бастакы солбуйааччы Александр Жирков, «Арктик-Капитал» ХЭУо салайааччытын сүбэһитэ Виктор Омуков, Ил Түмэҥҥэ дьокутаат Андрей Николаев сырыттылар.

7bcb5ec3ac2476b3ce14dfb0b05d0423197bd985

Сунтаарга эбийиэк тутуутугар билигин кыра хаалыы баар диэн этэллэр. Ол биричиинэтэ эмиэ биллэр – уһун кэмнээх харантыын. Ол эрээри тутааччылар эбийиэги бу сыл бүтүүтэ бүтэрэр соруктаахтар. Айсен Николаев генеральнай бэдэрээтчити кытта кэпсэтиитигэр эбийиэги болдьоҕор уонна хаачыстыбалаахтык тутан олоххо киллэрэргэ үлэлээҥ диэн сорудахтаата.

Бу кэннэ улуустааҕы суһал штаб чилиэннэрин кытта сүбэ мунньахха сылдьан өрөспүүбүлүкэ Ил Дархана коронавирус ыарыыта улууска билиҥҥи балаһыанньатын билистэ, инникитин ыарыыны элбэппэт, тарҕаппат туһугар күүскэ үлэлээҥ диэн эттэ.

Бу соторутааҕыта Улуу Кыайыы 75 сылыгар ананан тутуллан үлэҕэ киирбит Албан аат болуоссатыгар сылдьан, Айсен Николаев уоттаах сэриигэ саа-саадах тутан сэриилэспит буойуннары, сэрии кэннэ эйэлээх олоххо кэлэн баран күүстэрин харыстаммакка төрөөбүт оройуоннара, дойдулара чөлүгэр түһэригэр, производство араас көрүҥэ сайдарыгар үлэлээбит хорсун ытык бэтэрээннэри чиэстээн соҥуоран турда, сибэкки дьөрбөтүн уурда, тутууну көрдө.

d5a49a99e602ba94d05a2550da5d571662eb4ab4

Бу күн улууска биир эмиэ устуоруйаҕа хаалар түгэн буолла. Ол курдук, быйыл төрөөбүтэ 120 сылын бэлиэтээбит, сунтаардар эрэ буолбакка, бүтүн саха норуотун киэн туттуута Сергей Афанасьевич Зверев-Кыыл Уолун аатынан норуот айымньытын Киинэ аһылынна. Үөрүүлээх чааска Ил Дархан кытынна, улуус олохтоохторун эҕэрдэлээтэ.

Үтүө үлэһит дьоҥҥо судаарыстыбаннай наҕараадалаы туттартаата. Олортон биирдэстэрэ – өрөспүүбүлүкэ саамай үрдүк наҕаарадатын – «Хотугу Сулус» уордьаны «Арктик-Капитал» ХЭУо генеральнай дириэктэригэр, СӨ Судаарыстыбаннай Мунньаҕар (Ил Түмэн) норуот дьокутаатыгар, бу киин тутулларыгар улахан өҥөлөөх Матвей Николаевич Евсеевкэ туттарда.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ