Издательский дом Редакция Подписка
Погода в Якутске: . -9 oC
КУРС ЦБ: $ 73,96 | 86,68

Киин оройуонтан сыдьааннаах хоту үлэлиир учууталлар сыл аайы дойдуларыгар, дьонноругар-сэргэлэригэр тиийэн сэргэхсийэн, дуоһуйа сынньанан, хотуларыгар төннөллөр. Ол эрээри били сынньаммыттара айаннарын моһолугар суураллар...

Киин оройуонтан сыдьааннаах хоту үлэлиир учууталлар сыл аайы дойдуларыгар, дьонноругар-сэргэлэригэр тиийэн сэргэхсийэн, дуоһуйа сынньанан, хотуларыгар төннөллөр. Ол эрээри били сынньаммыттара айаннарын моһолугар суураллар...

Бастакытынан, Дьокуускай пордугар 2-3 хонукка (быйыл сэбээн күөллэр 25 күн) хаайтаран, таһаҕас бөҕөнү төттөрү-таары соһон, сылайыы саҕаланар. Онтон "дьэ, көттүм ээ" диэн үөрүүтэ оройуон пордугар кэлэн "симэлийэр". Манна хас да нэдиэлэ олоруохха сөп, " погода суох", " бөртөлүөт суох", "былааҥҥа суоххут" диэн. Онтон да атын араас биричиинэнэн көтүүнү тохтотоллор. Ол аайы күн аайы таксинан төттөрү- таары киирии-тахсыы. Өссө билэр ыалыҥ суох буоллаҕына, гостиницаҕа харчы бөҕөтүн кутаҕын. Ону эйиэхэ ким да төлөөбөт. Билигин аймаҕын буолбатах ыалга уһуннук түһэр табыгаһа да суох. Аны, уунан барыаххын, анараа өттүттэн мотуоркалар киһитэ суох  кураанах кэлбэттэр. Икки өттүн төлүүр эрэ буоллаххына таһаллар.

Дьэ, ити курдук хоту дойдуга үлэлиир, олорор бары өттүнэн судургута суох. Маннык усулуобуйаны тулуйбакка, эдэр үлэһит өр буолбат, киин сиргэ куотар. Арай бу биһиги,  сэбиэскэй былаас кэмигэр "хаппырыыстыырга" үөрэммэтэх дьон, маннык усулуобуйаҕа 30-40 сыл үлэлии сылдьабыт.

Маннык усулуобуйалаах хоту дойдуга 30 сыл учууталлаабыт киһиэхэ туох эрэ чэпчэтии көрүллэрэ буоллар. Эдэрдэргэ эмиэ, оччоҕо каадыр боппуруоһа быһаарыллыан сөп этэ.

Хоту үлэлиир да, олорор да чэпчэки буолбатах. Аҥаардас айан-сырыы хаайтарыыта да үгүс. Сыана хас эмэ бүк ыарахан, дьиэ-уот да туттар эмиэ күчүмэҕэйдээх.

 Ити курдук, ыарахан усулуобуйаҕа хоту сир учуутала үлэлиир, айар-тутар, кэлэр кэнчээри ыччат кэнэҕэскитин тэрийэр. Хоту сири дойду оҥостубут учуутал бу дойдутуттан тэйиэн баҕарбат.

Екатерина Заровняева, Эҥэ, Дьааҥы

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ